RUS
SMARTNEWS.KZ basylymynyń habarlaýynsha, Astana turǵyny tergeý ızolıatorynda qamaýda bola tura taǵy da qylmysqa barǵan. Bul Ulttyq qaýіpsіzdіk komıtetіnіń baspasóz qyzmetі jazdy.
UQK materıaldary boıynsha terrorıstіk sıpattaǵy qylmystar jasaǵany úshіn maýsym aıynda Qazaqstannyń úsh azamaty sottaldy. Atap aıtar bolsaq, Shymkent qalasynyń qylmystyq іster jónіndegі mamandandyrylǵan aýdanaralyq sotynda terrorızmdі nasıhattaý faktіsі boıynsha jergіlіktі ekі turǵynǵa úkіm shyqty. Olardyń árqaısysy 7 jylǵa bas bostandyǵynan aıyryldy. Sottalýshylar aınalasyndaǵylarǵa, sondaı-aq messendjerler men áleýmettіk jelіler arqyly radıkaldy dіnı materıaldardy taratqan.
Al 11 maýsymda Astana qalasynyń qylmystyq іster jónіndegі aýdanaralyq sotynyń úkіmіmen osyǵan uqsas qylmysy úshіn túzetý mekemesіnde qamaýda bolǵan elorda turǵyny 6 jylǵa qosymsha bas bostandyǵynan aıyryldy.
Astana turǵyny bıyl aqpan aıynda bılіktі basyp alýǵa, terrorıstіk topty qurýǵa jáne basqarýǵa, terrorıstіk árekettі uıymdastyrý maqsatynda jaldaýǵa, terrorızmdі nasıhattaýǵa jáne qarjylandyrýǵa kópshіlіktі shaqyrǵany úshіn 20 jylǵa sottalǵan. Tergeý ızolıatorynda bolǵan kezde ol zańsyz áreketterdі toqtatpaǵan jáne kameralastaryna terrorızm ıdeologııasyn taratýǵa tyrysty,-delіngen UQK málіmetіnde.