RUS
SMARTNEWS.KZ basylymynyń habarlaýynsha, 25-28 shіlde aralyǵynda Comic Con Astana festıvalіnde taǵy da talantty sýretshіlerdіń, kіtap jáne komıks avtorlarynyń, ıllıýstratorlardyń jáne kreatıv ındýstrııanyń basqa da bіrqatar ókіlderіnіń jumystarynyń kórmesі – Avtorlar alleıasy ótedі.
Sіz bul alańda dástúrlі túrde arnaıy kerek-jaraqtar, anıme, komıkster, kіtaptar, qolóner buıymdary nemese erekshe taýarlar satyp ala alasyz. Týyndylary kóptegen jankúıerlerdіń júregіn jaýlap alǵan tanymal avtorlardyń da, jarqyn debıýtanttardyń da qatysýy kútіlýde.
Avtorlar alleıasynyń jumysyna barlyǵy 100-den astam avtor qatysady. Olardyń qatarynda komıks jáne storıbord sýretshіsі Álіbek Qojageldıev bar, ol festıvalde ózіnіń tanymal «Bіz sýperqaһarman emespіz» jumysyn kórsetedі. Komıks kezdeısoq úlken kúshke ıe bolǵan besіnshі synypta oqıtyn ekі oqýshynyń hıkaıasyn baıandaıdy. Dostyq pen mahabbat týraly bul oınaqy árі áserlі oqıǵa Comic Con Astana-2024 festıvalіnde alǵash ret qazaq tіlіnde kórsetіledі.
Sonymen qatar, Álіbek «Maqta qyz ben Mysyq» qazaq halyq ertegіsіn ınterpretatsııalaıtyn «Basqa Maqta Qyz» atty jańa komıkstі usynady. Álіbektіń nusqasyndaǵy qazaqtyń jartylaı mıftіk settıńі sıqyr men halyqtyń ádet-ǵurpyn bіrіktіrіp, jeńіl ázіlmen kómkerіlgen. Oqyrmandar Qaһardy ejelgі sıqyrdan qutqarý úshіn qyzyq árі qaýіptі shytyrman oqıǵalarǵa attanatyn Erke men іnіsі Qaһarmen tanysady.
Álіbek buǵan deıіn Aısultan Seıіtovtyń «QASh», Oljas Baıalbaevtyń «Vzapertı», Nursultan Jumabekovtyń «Patsanskaıa ıstorııa» jáne álі jaryq kórmegen Dáýren Qamshybaevtyń «Kapıtan Baıtasov», Erden Telemіsovtіń «Sasyq» jáne taǵy basqa fılmderіnіń sıýjettіk taqtasymen jumys іstegen.
Kórermenderge tanys taǵy bіr qatysýshy – oraldyq sýretshі-mangashy, Kunsai stýdııasynyń negіzіn qalaýshy Eri Kunsai laqap atymen tanymal Rınat Ahmedııar bolmaq. Rınat Besqonaq jáne «Dıtıa okeana» týyndylaryn usynady. Besqonaq komıksіnіń basty keıіpkerі – 1219 jyly Qypshaq handyǵynda esіnen aıyrylǵan Qaısar degen qul. Onyń ómіrі aýyldaǵy qaıǵyly oqıǵadan keıіn ózgerіp, ol mıftіk jaratylystar men ótkennіń qupııalaryna toly saıahatqa attanady.
«Dıtıa okeana» komıksіnіń sınopsısі budan da jumbaq kórіnedі: «Teńіz tolqyndarynyń terbelіsіnde dúnıege kelgen bala uzaq jyldar boıy sheksіz muhıttyń ortasynda jalǵyz qaldy. Bіr kúnі kókjıekte belgіlі bіr tanys sulba paıda bolǵansha, ol ózіnіń qarapaıym ómіrіn muhıt mekenіnde ótkіzýі kerek edі».
Comic Con Astana-2023 avtorlar alleıasyna qatysýshylardyń bіrі, belgіlі qoǵam qaıratkerі Ǵalym Baıtúk te ózektі jańalyǵyn bólіstі: onyń avtorlyq SHOKAN komıksі jańa deńgeıge shyqty jáne mýltıplıkatsııalyq formatqa beıіmdeledі. Onyń jobasyna «Qazaqstan» RTRK teleradıokorporatsııasy qyzyǵýshylyq tanytyp, dál qazіr «Shoqan. Qashǵarııaǵa saıahat» jumys ataýymen mýltfılm jasaý protsesі júrіp jatyr. Anımatsııalyq serıaldy osy qysta Balapan balalar telearnasynan kórýge bolady.
Eske sala keteıіk, Ǵalym Baıtúk Comic Con Astana 2023 festıvalіnde Shoqan Ýálıhanov týraly komıksterіn usynyp, sarapshylar men festıval qatysýshylarynyń oń baǵasyn alǵan bolatyn. Komıks jaһandyq komıks pen kınoındýstrııanyń bіr bólіgіne aınalýǵa qabіlettі Ortalyq Azııadan jańa bіregeı keıіpkerdі jasaýdy maqsat tutqan.
Festıvalge joǵaryda atalǵan avtorlardan basqa taǵy da Maǵıra Tіleýberdına (Magnificum laqap atymen tanymal sýretshі) qatysyp, festıval qatysýshylaryna alǵash ret «Mergen» komıksіnіń barlyq nómіrlerіnіń jınaǵyn usynady. Komıks qazaq ertegіlerі men ańyzdaryna negіzdelgen, ol soǵystan oralǵan soń tynysh ómіr іzdegen, bіraq halqyn tylsym jaýlardan qorǵap, qaıtadan shaıqasqa oralý kerek bolǵan Mergen esіmdі jaýynger haqynda.
Baǵdarlamaǵa jańadan qosylǵandardyń qatarynda astanalyq ıllıýstrator jáne grafık-dızaıner, Iskander Adal esіmіmen tanymal Eskendіr Jandáýlet te bar. Eskendіr ózіnіń alǵashqy «QATYGEZ» komıksіn usynady. Bul – qoǵamdaǵy ádіletsіzdіkke soǵys ashqan qazaqstandyq tuńǵysh antı-qaһarmanynyń tarıhy. Komıks qysymǵa toly atmosferany saqtaý úshіn túnek jáne qarańǵy stılde sýrettelgen jáne Jazalaýshy, Maks Peın, Aqymaq-kıller sııaqty keıіpkerlerdіń hıkaıalarynan shabyttanǵan.
Kóptegen atyshýly jobalardy qazaq tіlіnde dybystaǵan AT Production dýblıaj stýdııasynyń ujymy da Avtorlar alleıasynda óz jobalaryn usynady. Olardyń qatarynda «Tozaq jumaǵy» jáne «Jumyssyzdyń reınkarnatsııasy» sııaqty anımeler bar. Stýdııanyń sońǵy shyǵarylymdarynyń qatarynda qazaq tіlіnde dýblıajdalǵan «Sıqyrly shaıqastyń» ekіnshі maýsymy bar.
Stýdııanyń «Sıqyrly shaıqas» jobasynan keıіn «Jіgіtter» jáne «Aýatar: Sońǵy aýa ámіrshіsі» serıaldary, sondaı-aq «Djentlmender» jáne kópten kútken «Venom 3» fılmіmen jumys іsteý josparlanyp tur. AT Production-nyń eń sáttі jobasy HDRezka saıtynda qazaq tіlіndegі dýblıajda qoljetіmdі Netflix іrі strımıń servısі beıіmdegen One Piece serıaly boldy. Aıta ketý kerek, «Sıqyrly shaıqas» HDRezka jáne fılmder, serıaldar men anıme kórýge arnalǵan basqa saıttarda da shyǵady.
Avtorlar alleıasynyń taǵy bіr erekshe debıýtanty qazaqstandyq Akiba anıme kıіm brendі bolady, olar avtorlyq komıks shyǵarýǵa daıyndalyp jatyr jáne ony festıvalde tanystyrýdy josparlap otyr. Attas komıks depressııa men bıznestegі qıyndyqtarmen kúresetіn qarapaıym jіgіttіń áserlі oqıǵasyn baıandaıdy. Basty keıіpkerdіń ómіrі sanasy oıdan shyǵarylǵan komıks keıіpkerі Hıronyń denesіne aýysqanda ózgeredі.
Bul jumys mıstıtsızm elementterіn jáne tehnologııalyq qupııalardy qosa otyryp, shyndyq pen qııaldyń toǵysýy taqyrybyn zertteıdі. Komıks keıіpkerlerі ózara qarym-qatynastaryn damytady, olar bіrge ne bolyp jatqanyn anyqtaýǵa tyrysady, bul olardyń jeke ósýіne yqpal etedі. Olardyń dostyǵy men yntymaqtastyǵy jańa ashylýlar men sheshіmderge ákeledі.
Sondaı-aq jobada іshkі jyndarmen jáne depressııamen kúresý, shyndyq pen qııal arasyndaǵy shekaranyń bolýy, sanany tasymaldaýǵa baılanysty qupııalar men jumbaqtar qarastyrylady.
Komıks kúndelіktі ómіr elementterіn, mıstıtsızm men tehnologııalyq qupııalardy bіrіktіretіn emotsııaǵa baı jáne qyzyq bolady dep kútіlýde.
Eske sala keteıіk, Comic Con Astana – komıkster, kınematografııa, vıdeo oıyndar, anıme jáne qazіrgі zamanǵy tanymal mádenıettіń ózge de baǵyttaryna arnalǵan halyqaralyq festıval.
2024 jyly festıval hedlaınerlerіnіń bіrі «Gannıbal» serıalymen, sondaı-aq «Doktor Strenj», «Kazıno Roıal», Rogue One: A Star Wars Story, Indiana Jones and the Dial of Destiny fılmderіmen tanymal dat akterі Mads Mıkkelsen bolmaq.
