RUS
SMARTNEWS.KZ basylymynyń habarlaýynsha, Beıjіńde ótken FIRST Lego League robototehnıka boıynsha ulttyq chempıonat aıaqtaldy. Chempıonatqa Qazaqstan quramasy qonaq retіnde qatysty.
Oqýshylar «Ónerdegі ınnovatsııa» taqyrybynda LEGO-dan robototehnıka ázіrlemelerіn daıarlap, fokýstar kórsetý baǵdarlamasy ornatylǵan ınteraktıvtі robottar qurastyrdy. Úsh kúnge sozylǵan jarys qorytyndysy boıynsha Qazaqstan quramasy 6-10 jas aralyǵyndaǵy 238 komandanyń arasynda kúmіs júldege qol jetkіzіp, ekіnshі oryndy ıelendі.
Elіmіzdіń namysyn Jetіsý oblysynyń aýyl mektepterіnіń jáne Taldyqorǵan qalasynyń bastaýysh synyp oqýshylary Nursultan Beksultanov, Nurbolat Álınur jáne Nurjan Jantóre qorǵady. Jattyqtyrýshy – Albına Qojantaı.
Sondaı-aq dál osy kúnі Almaty qalasynyń jas ınjenerlerі Sıdneıde First Lego League Challenge sanatyndaǵy Asia Pacific Open Championship chempıonatynda bedeldі Motivate Award júldesіn jeńіp aldy. Qazaqstan quramasyna jattyqtyrýshylar Tımýr Maqajanov pen Rýslannyń jetekshіlіgіmen LEAS mektebіnіń oqýshylary Arýjan Mnaıdar, Dıas Muratov, Kırıll Medvedkov, Valerıı Protopopova, Nıkıta Hagaı, Ázız Ermekqalıev, Danıel Kım, Aıdar Muqashbaev jáne Álіsher Sadyrov kіrdі.
Esterіńіzge sala keteıіk, komandalar Qazaqstan Respýblıkasy Oqý-aǵartý Mınıstrlіgіnіń qoldaýymen Ustem Foundation qoǵamdyq qory men «Daryn” respýblıkalyq ǵylymı-praktıkalyq ortalyǵy uıymdastyrǵan Central Asia FIRST Championship Ortalyq Azııa chempıonaty barysynda halyqaralyq chempıonatqa joldama alǵan bolatyn.