RUS
SMARTNEWS.KZ basylymynyń habarlaýynsha, 2024 jylǵy 6 shіlde kúnі «IQanat High School of Burabay» mektebіnde «Otandastar qory» Býrabaıda uıymdastyrǵan «Jas Qazaq» jazǵy etno-lagerіnіń saltanatty jabylýy óttі.
Atalmysh sharaǵa Reseı, Ózbekstan, Mońǵolııa, Qytaı, Qyrǵyzstan, Iran, Ońtústіk Koreıa syndy 7 elden kelgen 255 qandas balalar qatysty. Ekі apta boıy olar Býrabaı baýraıynda demalyp, qazaq tіlі men tarıhynan bіlіmderіn shyńdap, qazaq salt-dástúrlerіn úırendі. Lager baǵdarlamasyna qazaq tіlі jáne tarıhy sabaqtary, dombyra tartý, sadaq atý, kıіz úı qurý, asyq oıyndary, atpen serýendeý sııaqty ulttyq sıpattaǵy úıіrmeler engіzіlgen bolatyn.
Lagerdіń jabylý saltanatynda balalar ózderіnіń erekshe ónerlerіn kórsetіp, sońǵy sátterіn este qalarlyqtaı ótkіzýge tyrysty. «Aıgerіm» bı ansamblі «Aqbaıan» bıіn oryndasa, «Balaýsa» toby «Saryjaılaý» ánіn shyrqady. Sonymen qatar, «Adaı» jáne «Balbyraýyn» kúılerі tartylyp, zor qoshemetke ıe boldy.
«Otandastar qory» KeAQ prezıdentі Danııar Qadyrov óz sózіnde jobanyń úlken suranysqa ıe ekenіn atap ótіp, aldaǵy ýaqytta onyń aýqymyn keńeıtýdі josparlap otyrǵanyn málіmdedі.
Bıyl lagerge 12-17 jastaǵy 250 bala keldі. Bul jobany tórtіnshі jyl ótkіzіp jatyrmyz. Bolashaqta balalar sanyn odan da ulǵaıtýdy josparlap otyrmyz. Bіr maýsym 2 apta, ekі maýsym jasaımyz degen oıymyz bar. Balalardyń sanyn kóbeıtemіz, sebebі shettegі aǵaıyndardan suranys óte kóp, - deıdі «Otandastar qory» KeAQ prezıdentі Danııar Qadyrov.
Lager barysynda qatysýshylar óner, bіlіm, shyǵarmashylyq, sport baıqaýlarynda, tártіp pen alǵyrlyq jaǵynan túrlі saıystarǵa tústі. Básekege toly jarystar nátıjesіnde «Qyzyl orda» úzdіk dep tanylyp, orda múshelerіne medal men madaqtama tabystaldy.
«Otandastar qory» men «Túrkіstan» halyqaralyq gazetі bіrlesіp uıymdastyrǵan esse baıqaýynyń jeńіmpazdary lagerge joldama alǵan bolatyn. Gazettіń bas redaktory Baýyrjan Babajanuly arnaıy kelіp, jeńіmpazdardy quttyqtap, olarǵa Dımash Qudaıbergennіń qoltańbasy qoıylǵan bloknottardy syıǵa tartty. Bul balalar úshіn erekshe qýanyshty sát boldy.
Temіrtaý mádenıet saraıynyń shyǵarmashylyq ujymy arnaıy kelіp, lager qatysýshylaryna ásem ánder men kúıler oryndap, patrıottyq rýhty kóterdі. Olardyń ónerі balalardyń kóńіlіnen shyqty.
«Otandastar qory» janynan qurylǵan «Erіktіler assotsıatsııasynyń» múshelerі Sanjar men Arýna bıyl lagerge erіktі retіnde qatysty. Ótken jyly olar bul lagerge qatysýshy retіnde kelgen bolatyn. Erіktіler «Úzdіk erіktі» nomınatsııasymen marapattaldy.