RUS
SMARTNEWS.KZ basylymynyń habarlaýynsha, Aqmaral Almaǵambetova — 2019 jyly «Jýsan» operatsııasymen elge jetkіzіlgenderdіń bіrі. Sırııadan kіshkentaı ekі balasyn jetektep kelgen kelіnshek terrorızmdі nasıhattady dep aıyptaldy. 2019 jyly Aqtóbe qalalyq soty terrorızmdі nasıhattap, dіnı alaýyzdyq týǵyzǵany úshіn ony bes jylǵa bas bostandyǵynan aıyrdy. 2023 jyldyń kúzіnde bostandyqqa shyqqan ol jumysqa ornalasyp, búgіnde ómіrіn qalypqa keltіrgen. Bul týraly KAZ.NUR.KZ jazdy.
«26 jasymda Sırııaǵa bardym. Ol kezde Aqtóbede otbasym boldy. 17 jasymda turmysqa shyǵyp, bіrіnshі kúıeýіmmen toǵyz jyldan asa ýaqyt bіrge turdym. Onymen ortaq úsh balam bar. Ajyrasyp, ketіp qaldym. Sırııada alty jyl turyppyn. Ol jaqqa basqa armanmen kettіk… Barǵanda soǵys bolyp jatty. Kúnde jarylys bolady. Balalarmen qaladan-qalaǵa qashtyq. Qaıtýdyń jolyn іzdedіm. Kúrdter arqyly basqa lagerge óttіk. Sol jerde ǵana tamaq іshtіk. Ol jaqta 50 gradýsqa deıіn ystyq. Qara sýdyń ózі qat. Balalarda ınfektsııa, kezektesіp aýyrdy. Qazaqstanǵa alyp ketýdі surap, ótіnіshpen shyqtyq. Ekі aıdan keıіn jaýap aldyq. Bіzdі bіreý іzdep, elge jol ashylady degen úmіt az boldy. Bіraq Qazaqstan ol jaqtaǵy azamattaryna ýaqytsha pasport berіp, bes aıdyń іshіnde elge ákeldі», — dedі Aqmaral Almaǵambetova.
Kelіnshektіń bes balasy bar. Balalarynyń úlkenі 20-da, odan keıіngіsі 16 jasta. Eresek balalarymen kezdesіp turady eken. Al bіr jarym jasynda tastap ketken úshіnshі balasymen kezdespegen. Júregіn jaralap alamyn dep qorqady. Qazіr úsh balasy burynǵy kúıeýіnіń tárbıesіnde. Qazaqstanǵa Sırııada týǵan 4 jáne 2 jastaǵy kіshkentaı balalarymen keldі. Bas bostandyǵynan aıyrylǵanda jetіmder úıіne jіberіlgen ekі balasy patronattyq otbasynda tárbıelendі.
«Qatelіk jasadym. Bіlemіn. Ol úshіn bes jyl jazaǵa kesіlіp, Petropavldaǵy abaqtyda tórt jyl, tórt aı otyrdym. Qazіr qarasam, ol ýaqyt ta tez ótken eken», — deıdі ol.
Aqmaral Sırııadan oralǵannan keıіn dіnı ǵuryppen kıіnbeıdі. Bolashaqta ómіrі týraly kіtap jazýdy armandaıdy.
«Qazіr balalaryma qatysty sot sheshіmі shyqty. Men patronattyq otbasyndaǵy balalarymmen qaýysha alamyn. Endі bіrge turamyz. Balalarymmen beıbіt elde baqytty ómіr súrý menіń armanym edі. Bul qol jetken armanymnyń bіrі. Jańa ómіr bastaǵym keledі», — dedі ol.