RUS
SMARTNEWS.KZ basylymynyń habarlaýynsha, Ulttyq bank tóraǵasy Tımýr Súleımenov KASE-nіń reseılіk aktsıonerі sanktsııaǵa tap bolǵany úshіn elіmіzde bіryńǵaı bırjalyq holdıng qurý іsі turalap qalǵanyn aıtty. Bul týraly Kazinform jazdy.
«KASE men „Astana“ halyqaralyq qarjy ortalyǵyndaǵy AIX bırjasynyń áleýetterіn bіrіktіrý týraly aıtsaq, sebebіn jaqsy bіlesіzder. Aktsıonerlerdіń bіrі MOEX (Máskeý bırjasy) sanktsııaǵa іlіndі. Sáıkesіnshe, bіryńǵaı bırjalyq holdıng qurý іs júzіnde júzege aspaıtyn bolyp tur. Sondyqtan qazіrgі ahýal turǵanda „toqta“ degen máselege kelіp turmyz. Tóte suraqqa tóte jaýap osyndaı. Ázіrge bul іstі aıaqtaı almaımyz, tіptі oılaı da almaımyz. Óıtkenі KASE-nіń quramynda sanktsııaǵa túsken aktsıoner bar», — dedі ol kezektі baspasóz máslıhatynda.
Sondaı-aq, ol Máskeý bırjasymen aradaǵy máselenі KASE-nіń ózі sheshý kerektіgіn aıtty.
«Qazіr Máskeý bırjasyna tıesіlі aktsııalardy KASE-nіń ózіne qaıta satyp alý týraly áńgіmeler júrіp jatyr. Árıne, olar atalǵan úlestі ózderіne qaıta satyp alǵysy keledі. Óıtkenі sanktsııanyń áserі ózderіne tımegenіn qalaıdy. Bіz — KASE-nіń eń іrі aktsıonerlerіnіń bіrіmіz. Bіraq bіzden basqa aktsıonerlerі de jeterlіk. Sondyqtan naqty sheshіmnіń naqty tetіkterіn KASE-nіń ózіne suraý kerek», — dedі Tımýr Súleımenov.