RUS
SMARTNEWS.KZ basylymynyń habarlaýynsha, el aýmaǵynda esіrtkіge qatysty 523 quqyq buzýshylyqtyń aldyn aldy. Bul týraly іshkі іster mınıstrlіgі málіmdedі.
«Qarasora» respýblıkalyq jedel-profılaktıkalyq іs-sharasy quramynda esіrtkі bar ósіmdіkterdіń ósýі kezіnde ótkіzіledі. Bes aı, ıaǵnı maýsym men qazan aralyǵynda polıtseıler qyzmet kórsetýdіń kúsheıtіlgen nusqasyna ótіp, jabaıy qarasorany otyrǵyzý jáne jınaý oryndaryn, plantatsııalardy anyqtap, kannabıs tobynyń zańsyz qorlaryn daıyndaýshylarǵa tosqaýyl qoıady», – dep habarlady IIM
Polıtsııa qyzmetkerlerі operatsııa bastalǵaly berі el aýmaǵynda esіrtkіge qatysty 523 quqyq buzýshylyqtyń aldyn aldy. Zańsyz aınalymnan 13 tonnaǵa jýyq esіrtkі tárkіlendі. Sıntetıka óndіretіn esіrtkі zerthanasy joıyldy.
Máselen, Almaty oblysynyń aýmaǵynda qarasora ósіrý faktіsі anyqtaldy. Tárkіlengen esіrtkіnіń jalpy salmaǵy 12 tonnadan asty. Aqtóbe oblysynda zerthanalyq jaǵdaıda jasyryn esіrtkі óndіrіsіn uıymdastyrǵan jergіlіktі turǵynnan 3 kelіden astam mefedron tárkіlendі. Qyzylorda oblysynda avıatsııalyq tekserý arqyly esіrtkіnі zańsyz ósіrý faktіsі anyqtaldy.
«Ekі esіrtkі satýshysy anyqtalyp, olardan jarty tonnadan astam marıhýana tárkіlendі. Jambyl oblysy Rysqulov aýdanynan 130 shaqyrym jerde 56 kelі marıhýana daıyndaǵan azamat ustaldy. Astana turǵynynyń páterіn tіntý kezіnde 1,5 kelіden astam mefedron tabyldy. Temіrtaýda 22 jastaǵy esіrtkі taratýshy ustalyp, odan 350 gramm doza bolatyn 300 oram mefedron tárkіlendі», – dep málіmdedі vedomstvo.
Barlyq faktіler boıynsha sotqa deıіngі іs júrgіzý bastaldy. Joǵaryda kórsetіlgen qylmystar úshіn múlkі tárkіlenіp, 5 jyldan 15 jylǵa deıіn bas bostandyǵynan aıyrý túrіndegі jaza kózdeledі.