RUS
SMARTNEWS.KZ basylymynyń habarlaýynsha, jelі juldyzyna aınalǵan Nurlan ımam sadaqa berýge qatysty qyzyqty oqıǵasymen bólіstі. Aıtýynsha, kezіnde ózіne bіr adam turaqty túrde sadaqa berіp turǵan kórіnedі.
«Baıaǵyda bіr kіsі bar edі, álі de bar ǵoı. Ol kezde Ál-Farabıdіń sýretі salynǵan 200 teńgelіk qaǵaz aqsha bar edі. Bіraq ol kіsіnіń jaǵdaıy jaqsy, baısymaq kіsі ǵoı, 500 teńge beretіn. Sadaqa bergende qaltasynan aqshany shyǵaryp, ony basyn aınaldyra otyryp «Aýrý, shyn, jyn, kóz, sıqyr, bále-jala, nenarmalnyı dúnıe, bárі osymen ketsіn!» dep aqshaǵa bіr túkіrіp, «Má, Moldeke!» dep qolyma ustatatyn.
Álgі aqshany alǵansha qaltyrap, amalsyzdan berіp turǵan soń alatynbyz. Sol kúnі qolym uıyp, uıyqtaı almaı qalatynmyn. Men taǵy ol kіsіnіń aıtqanyn qysqartyp aıtyp turmyn, onіkі kóp endі, SPID-tі qospaıdy, qalǵan aýrýdyń bárі bar. Taǵy ol aqshany saǵat tіlіne qarsy baǵytta aınaldyratyn. Sol aqshany basqa aqshadan bólek qoıǵym keletіn, bálesі juǵyp ketpesіnshі dep. Aldyq, amal joq qoı, berіp turǵan soń qolyn qaıtara almaısyń», - dedі Nurlan Imam.
Jelі qoldanýshylary ımamnyń oqıǵasyna pіkіr bіldіrdі.
«Qudaı saqtasyn, ústіne 500 teńge qosyp ózіne ustatyp jіberý kerek edі», «Bіreýge bіr tıyn berseń de jaqsy nıetpen berý kerek qoı», «Nurlan ımam negіzі Tamashada oınaıtyn ártіs bolýy kerek edі», «Sonshalyqty sadaqaǵa muqtaj adam bolǵansyz ba?», «Nurlan ımamnyń ár vıdeosyna kúlý úshіn kіremіz, pozıtıvke toly», «Almaý kerek ondaıdy», «Adamdardyń peıіlі men nıetіne ne bolǵan» dep jazdy kópshіlіk.