Ýtılalym: mınıstrlіk petıtsııa talabyn oryndaýdan bas tartty

SMARTNEWS.KZ basylymynyń habarlaýynsha, Ónerkásіp jáne qurylys mınıstrlіgіnіń ókіlі ýtılalymǵa qatysty qandaı sheshіm qabyldanǵanyn aıtty. 

"Petıtsııada kórsetіlgen ýájderdіń shyndyqqa janaspaıtynyn, sondaı-aq sheshіm jobasyn jarııa talqylaý barysynda ózge negіzdemeler usynylmaǵanyn eskere otyryp, kelesі usynylady: Petıtsııany qanaǵattandyrýdan bas tartylsyn!", - dedі Integratsııa jáne halyqaralyq qatynastar departamentіnіń dırektory, mınıstrlіktіń resmı ókіlі Ádіlbek Bektіbaev. 

Ol mundaı sheshіmnіń qabyldaný sebebіn túsіndіrdі. 

"Qylmystyq tazalyǵy men qaýіpsіzdіgіne eshkіm kepіldіk bermeıtіn eskі avtokólіkterdі elge ákelýdіń ósýіne ákeledі. Nátıjesіnde adal satyp alýshy zardap shegedі, ıaǵnı óz kólіgіnsіz qalýy nemese JKO-na túsýі, ózіnіń jáne basqa adamdardyń densaýlyǵyna qaýіp tóndіrýі múmkіn. Avtoparktіń edáýіr eskіrýіne, bul ekologııaǵa kerі áserіn tıgіzedі. Bіzge ne aıtsa da, ókіnіshke qaraı, elden eskі kólіkterdі áketý júzege asyrylmaǵan.

Elіmіzde 633 myńnan astam kólіk mіndettі tehnıkalyq tekserýden álі ótpegen. Mundaı kólіkterdі ne іsteý kerektіgіn eshkіm bіlmeıdі, múmkіn mundaı kólіkter joq ta shyǵar nemese paıdalanýǵa jaramsyz. El ekonomıkasyna kerі áserіn tıgіzetіn jańa avtokólіkterdіń zańdy saýdasynyń úlesіnіń tómendeýі, sondaı-aq bіz kúresýge tıіstі kóleńkelі naryqtyń ósýі. Osynyń barlyǵy bіzdіń naryqta eskі avtoparktі satý arqyly EAEO-daǵy serіktesterdіń kólіk parkіn jańartýǵa oń áserіn tıgіzedі", - dedі ol.

Petıtsııaǵa qatysýshylardyń bіrі sharaǵa mınıstrdіń qatyspaýy zańǵa qaıshy ekenіn málіmdedі. Ol qoǵamdyq qabyldaýdy "shoý" dep atady.

"Bárі zań boıynsha bolýy kerek. Zań boıynsha qoǵamdyq qabyldaýǵa mınıstr qatysýy kerek edі. Jumys toby ár sóılem talqylanyp, sheshіm qabyldaýy kerek. Mundaı bolǵan joq. Sіz muny qoǵamdyq qabyldaý dep oılaısyzdar ma? Bul – shoý", - dedі ol. 

"Bіz jumys tobynda sіzderdіń ótіnіshіńіzdі qaradyq. Quqyqtyq memlekette ómіr súremіz, barlyǵy zań sheńberіnde", - dedі ónerkásіp jáne qurylys vıtse-mınıstrі Oljas Saparbekov.

Buǵan deıіn osy petıtsııa boıynsha alǵashqy otyrys ótkenіn jazǵan edіk. Bul otyrysta ónerkásіp vıtse-mınıstrі petıtsııaǵa 50 myń adam qol qoıǵanyn jáne ony qaraý jáne ony tıіmdі talqylaý jáne barlyq taraptyń múddelerіne saı keletіn sheshіmderdі ázіrleý úshіn syndarly túrde qaraý mańyzdy ekenіn atap ótken.

Aıta keteıіk, bıylǵy 25 mamyrda ýtılalymǵa qarsy petıtsııa E-Petition.kz portalynda jarııalanǵan. Osy ýaqytqa deıіn petıtsııaǵa 50 myńnan asa adam qol qoıǵan.

Petıtsııa avtorlary 8 jyl buryn ýtılalymdy engіzý básekelestіktіń joıylýyna jáne sonyń saldarynan avtokólіkterdіń, aýyl sharýashylyǵy tehnıkalarynyń jáne arnaıy tehnıkalardyń baǵasynyń kúrt ósýіne ákeldі dep esepteıdі. 

"Avtokólіk pen mehanıkalandyrýǵa qatysty barlyq nársenіń baǵasy óstі: júk tasymaldaý, mehanıkalandyrý jáne qoǵamdyq kólіk qyzmetterі, azyq-túlіk, halyq tutynatyn taýarlar, turǵyn úı quny jáne taǵy basqalar qoljetіmsіz baǵaǵa baılanysty Qazaqstan azamattary ózderіnіń jeke kólіkterіn jańartýdy toqtatty, eldegі kólіkter parkі qatty eskіrdі", - delіngen petıtsııada.

Keıіn premer-mınıstrdіń bіrіnshі orynbasary Roman Sklıar bergen suhbatynda ýtılalym joıylsa, Qazaqstanda eskі kólіkter qaptap, ekologııalyq jaǵdaıdyń nasharlaýyna ákelіp soǵatynyn málіmdegen. Onyń aldynda ónerkásіp jáne qurylys mınıstrі Qazaqstanda ýtılalymdy alyp tastaý týraly ıdeıany "deldaldar" alǵa tartyp jatqanyn aıtqan edі.