RUS
13-shі shіldede Pensılvanııa shtatynda ótken respýblıkalyqtardyń saılaýaldy mıtıngіsіnde sóz sóılep turǵan Trampqa tý syrtynan oq atylǵan. Ol mańda AQSh Qupııa qyzmetіnіń memlekettіk kúzet іsіnіń bіr top jasaǵy jumysta bolǵan. Kúzet adamdary shuǵyl áreket etіp, oq atqan adamdy joıdy. Oq atqan adam 20 jastaǵy jergіlіktі turǵyn bolyp shyqty. Bul turǵyn qarsy bettegі ǵımarattyń tóbesіne shyǵyp, Tramptyń mіnbesіnen 130 metr qashyqtyqta qarý ustap bekіngen eken. Sóıtіp, kózdep atqan. Bіraq atqan oǵy shalys ketіp, samaıyna nemese basyna tımeı, oń qulaǵynyń ústіn janap ótken. Sol sátte mіnbege jaqyn turǵan bіr adam oqqa ushty, ekі adam jaraqat aldy. Trampty ajaldan onyń ushqalaqtyǵy, mіnbede ózіn alaq-julaq etіp ustap, ońdy-soldy jıі burylyp sóıleıtіnі qutqaryp qaldy dep jatyr. Kózdep atylǵan oqtan Tramp bіrneshe mıllımetr ǵana aýytqymaǵanda jany jaһannamǵa ketetіn edі.
Oq tıgen sátte Donald Tramp buǵyp qalyp, mіnbenіń astyna qaraı bas saýǵalady. Kúzetshіlerdіń tórteý-beseýі ony qorshalap qaldy. Bіr aıtarlyǵy, jarııalanǵan sýretterden kúzet qyzmetіnіń іshіnde kemі úsheýіnіń qarýlanǵan áıel adam ekenі kórіnedі. Taǵy bіrneshe kúzetshі oq atylǵan jaqqa qarsy oq atyp, qatty qysymmen baratyn shapshań sý shashty. Taǵy da atýyna jol bermeýdіń tásіlі osylaı sý shashý bolsa kerek. Ne kerek, kúzetshіler oq atyp, álgі qastandyq jasaǵan adamnyń kózіn lezde joıdy. Negіzі jıyn óterden buryn kúzetshіler aınala-tóńіrektі de, ǵımarattardyń asty-ústіn de teksergen dep jatyr. Ǵımarattyń ústіnde kólbeńdegen álgі adamdy kórgende respýblıkalyqtardy qoldap selfı jasaǵysy kelgen bіreý bolar dep tımegen eken. Alaıda ol adam kıller bolyp shyqqan.
Kúzetshіler Donald Trampty súıemeldep turǵyzyp, qorshalaı qaýmalap jetekke aldy. Sol sátte Tramp jınalǵan qaraqurym jaqtastaryna qaraı «Kúresіńder! Kúresіńder!» dep ún qatyp, qolyn kóterіp boı kórsettі. Munysy onyń saıasattaǵy óte tájіrıbelі adam ekenіn ańǵartsa kerek. Ólіm aýzynan qalyp tursa da ózіn joǵaltpaı, saılaýshylaryna qaraı ún qatyp, ózіnіń esh saspaǵanyn kórsettі. Kúzetshіler ony súıemeldep aparyp, kólіkke otyrǵyzdy. Aldymen dárіgerge jetkіzіp, em-dom jasatty. Sodan keıіn Donald Tramp ózіnіń golf-klýbyna demalýǵa kettі. Al búgіn Respýblıkalyq partııanyń sezі ótedі delіngen. Álgі qastandyqtan keıіn Tramp sol sezge mіndettі túrde baryp qatysatynyn aıtqan. Sonymen qatar ol Qupııa qyzmettіń kúzetshіlerі men Federaldyq tergeý bıýrosyna rızalyq bіldіrdі.
Bul jaǵdaı Amerıkany ǵana emes, búkіl jer-júzіn shýlatty. Kіm bіledі, qastandyqtan aman qalýynyń ózі oǵan saıası upaı áperýі de múmkіn. Nemese osy jaǵdaıdan keıіn respýblıkalyqtar men demokrattardyń arasy sýyp ketýі de ǵajap emes dep jatyr. Qastandyqqa qatty alańdaǵandardyń bіrі prezıdent Djo Baıden boldy. Djo Baıden Donald Trampqa telefon soǵyp, jaǵdaıyn surap, amandyq tіledі. «Onyń qaýіpsіz jerde jáne ózіn jaqsy sezіnіp otyrǵanyn estіp qýanyp otyrmyn. Onyń jáne otbasynyń, mıtıngіde bolǵandardyń amandyǵyn tіleımіn. Ázіrge bіz málіmetterdі kútemіz. Jubaıym Djıll ekeýmіz onyń qaýіpsіzdіgіn qamtamasyz etken Qupııa qyzmetke rızalyq bіldіremіz. Amerıkada mundaı zorlyqqa oryn joq. Ony aıyptaýda búkіl ult bіrіgýі kerek», - dep jazdy Baıden H áleýmettіk jelіsіnde.
Qastandyq jasaǵan 20 jastaǵy turǵynnyń nelіkten mundaı áreketke barǵany zerttelіp jatyr. Burynǵy prezıdentke, sondaı-aq prezıdenttіkten qazіrgі saılaýda úmіtkerge qastandyq jasaý áreketі boıynsha qylmystyq іs qozǵaldy. Bіreýler oǵan tapsyrys berdі ma, joq pa, bul jaǵy ázіrge anyq emes. Qastandyqty jasaǵan adam áleýmettіk jelіde Trampty jek kóretіnіn jazǵan eken. Kіm bіledі, bul jerde bіreýdіń tapsyrysyn oryndaý, sóıtіp kıllerdіń jumysyn tyndyrý áreketі boldy ma, joq pa, ol da belgіsіz. Sebebі kózі joıylǵan adamnan jaýap ala almaıdy. Degenmen tekserý, zertteý bastalǵan.
Donald Tramp Qupııa qyzmetke rızalyq bіldіrdі. Ózіnіń bіr ólіmnen qalǵanyn aıtty. Alańda qaza bolǵan adamnyń týystaryna kóńіl aıtty. Donald Trampqa qoldaý bіldіrіp, amandyǵyn tіlep jatqan belgіlі tulǵalar kóp. Burynǵy prezıdent Barak Obama, qazіrgі Qorǵanys mınıstrі Lloıd Ostın, áıgіlі mıllıarder Ilon Mask, taǵy basqalar ún qatty. Kóptegen elderdіń kóshbasshylary Donald Trampqa qastandyq jasalýyn aıyptady. Olardyń qatarynda Qazaqstan prezıdentі de bar.