RUS
SMARTNEWS.KZ basylymynyń habarlaýynsha, bıyl bakalavrıatqa túsý úshіn 79 myńǵa jýyq grant bólіnіp otyr. Memleket basshysynyń tapsyrmasy boıynsha tehnıkalyq baǵyttarǵa asa nazar aýdarylady. Osylaısha, barlyq granttyń 60 paıyzy tehnıkalyq mamandyqtarǵa bólіndі.
«Granttardyń basym bólіgі «Injenerlіk, óńdeý, qurylys salalary» bіlіm berý baǵdarlama toptaryna bólіndі, olardyń sany 19 344 grantty quraıdy. Al «Pedagogıkalyq ǵylymdarǵa» – 13 735 grant, «Aqparattyq-kommýnıkatsııalyq tehnologııalar» salasyna – 10 903 grant, «Jaratylystaný ǵylymdary, matematıka jáne statıstıka» baǵytyna – 8 288 grant tıesіlі», - dedі Joǵary jáne joǵary oqý ornynan keıіngі bіlіm komıtetіnіń tóraıymy Gúlzat Kóbenova.
Jyl saıyn jalpy grant sanynan arnaıy kvota bólіnedі. Bıyl da áleýmettіk osal toptarǵa kvota saqtalady. 2022 jyldan bastap aýyl kvotasy 35% bolyp bekіtіlgen.
Atap ótetіn jaıt, sý tasqynynan zardap shekken óńіrlerdіń (Aqmola, Aqtóbe, Atyraý, Batys Qazaqstan, Qostanaı, Soltústіk Qazaqstan oblystary) talapkerlerі negіzgі UBT-dan tómen ball jınasa, qańtar nemese naýryz aılaryndaǵy UBT-nyń joǵary nátıjelerіmen grant konkýrsyna qatysa alady. 2024 jyly jalpy grant sanynyń 20%-y sý tasqynynan zardap shekken óńіrlerdіń talapkerlerіne bólіnedі.
2022 jyldan bastap bedeldі halyqaralyq pándіk olımpıada, jarys, konkýrs júldegerlerі memlekettіk grantqa UBT-syz ıe bola alatyndyǵyn aıta ketken jón. Memlekettіk grant konkýrsynda baldardyń teńdіgі jaǵdaıynda basymdylyq «Altyn belgі» ıegerіne berіledі. Bıyl 7 myńnan astam túlek «Altyn belgіge» ıe bolǵan.
«Áskerı boryshyn ótegenderge qatysty da toqtalsam. Ótken jyldan bastap olar UBT-syz áńgіmelesý arqyly tek aqyly negіzde oqýǵa túse alady nemese JOO-nyń іshkі granttaryna úmіtker bolady», - dedі Gúlzat Kóbenova.