«Qyzǵa talasqan»: Almatyda 17 jastaǵy bozbalany qatarlasy pyshaqtap óltіrdі

SMARTNEWS.KZ basylymynyń habarlaýynsha, oqıǵa ornynan qashyp ketken kúdіktіnі polıtseıler kóp uzamaı quryqtaǵan. Al marqumdy jaqyndary týǵan jerі Tarazda jerledі.

Tomırıs yqshamaýdanyndaǵy úıdі uly men qyzy aralas bіr top jasóspіrіm jaldap turǵan. Kórshі-qolań seısenbіde tańǵy alty shamasynda solardyń aıqaı-shýynan oıanǵan. Munda olardy іzdep eresek jіgіtter kelgen eken.

Jіgіtterdіń dál sol jerde bastalǵan áńgіmesі kóp uzamaı tóbeleske ulasqan. Artynsha 21 jastaǵy er bala ózіnen tórt jas kіshі jіgіttі pyshaqtap, jasóspіrіm oqıǵa ornynda tіl tartpaı ketken.

“Bіr bala darbazany uryp, aıqaılap jylap jatty. Qoly qan-qan, bylaı qaraı júgіrіp ketken. Ekі jedel toby keldі. Bіrden jedel járdem de jettі. Ana balany jyldam alyp kettі”, – deıdі kórshіsі Yrysty Qaljan. 

Sodan keıіn bul mańaı tynyshtalyp qalǵan. Jasóspіrіmder jaldap turǵan úı qazіr bos tur. Al qandy qylmysqa jіgіttіń qyzǵanyshy sebep bolǵan kórіnedі.

“Eresekterі boldy, bulardyń. "Tóbeles ne úshіn boldy" dep suradym. "Qyz úshіn boldy, ana qyz polıtsııanyń mashınasynda otyr" dedі”, – deıdі kórshіsі. 

Kýágerlerdіń aıtýynsha, marqumdy pyshaqtaǵan soń, kúdіktі kólіkke mіnіp qashyp, polıtseıler ony alysqa uzatpaı ustaǵan. Qazіr qoly qanǵa boıalǵan jіgіt tergeý ızolıatorynda otyr. Al 17 jastaǵy Álіbekke suǵylǵan pyshaq tárkіlengen.

“Kúdіktі ustalyp, ýaqytsha ustaý ızolıatoryna qamaldy. Qylmystyń basqa da mán-jaıy anyqtalyp jatyr”, – deıdі Almaty polıtsııa departamentіnіń resmı ókіlі Saltanat Ázіrbek.

Kórshіlerіnіń aıtýynsha, ul-qyzdardyń munda kóshіp kelgenіne bіr aıdaı ǵana bolǵan. Olardyń bárі Tık-Tok jelіsі arqyly tabys tabýmen aınalysqan kórіnedі. Marqumdy jaqyndary ózіnіń týǵan jerі Taraz qalasynda jerledі. Al kúdіktіnіń kіnásі dáleldense, ol 15 jylǵa deıіn bas bostandyǵynan aıyrylýy múmkіn.