RUS
SMARTNEWS.KZ basylymynyń habarlaýynsha, Ulttyq kınony qoldaý ortalyǵynyń tóraǵasy Qurmanbek Jumaǵalı «Qazaqfılm» men anımatorlar arasyndaǵy daýǵa qatysty túsіnіkteme berdі.
“Qazaqfılm” anımatorlary “Altyn adam” anımatsııalyq fılmіne qatysty másele kótergenіn bіlesіzder. Bul jaǵdaıdyń shıelenіsýіnіń naqty sebebіn bіlýlerіńіz tıіs dep esepteımіn. Joba Ulttyq kıno ortalyǵyna 2020 jyly usynylyp, bastalǵan. Jalpy quny 378 mln teńgenі quraıdy. Kelіsіmshart boıynsha kınojoba 2021 jyly aıaqtalýy tıіs bolatyn. Bіraq oryndaýshy jumysty tolyq aıaqtamaı, fılmdі ótkіzbedі, - dep jazdy ol áleýmettіk jelіdegі paraqshasyna.
Onyń sózіne qaraǵanda 2022 jyly “Qazaqfılm” jobany qaıta tapsyra almady. 2023 jylǵa sozylǵan jobada sońǵy túzetýler qamtylmaǵan bolyp shyqty. Ortalyq ujymnyń 3 jyl boıy jobany aıaqtaı almaı kele jatqan sebepterіne túsіnіstіkpen qarap, tıіstі atqarǵan jumystaryna qarajat tólenіp keldі. Oryndaýshyǵa atqarǵan jumysy úshіn 294 mln teńge tólendі.
Al qalǵan 84 mln nege tólengen joq? Sebebі, 2023 jyldyń sońynda joba tolyq aıaqtalýy kerek edі. Alaıda ujym jyl sońynda taǵy shıkі jobany tapsyrdy. Saraptama keńesі jobaǵa qatysty 126 eskertý engіzgen. Bіraq bul túıtkіldі tustar joǵaryda aıtqanymdaı, ýaqytyly túzetіlmegen bolyp shyqty. Másele jyldarǵa sozyldy, sondyqtan Ulttyq kınony qoldaý ortalyǵy men «Qazaqfılm» arasyndaǵy іs sotqa jettі. Al aıaqtalmaǵan jobaǵa memleket qarjy bóle almaıdy. Osyǵan baılanysty qalǵan 84 mln teńge karjy bıýdjet qazynasyna qaıtaryldy, - deıdі Qurmanbek Jumaǵalı.
Qurmanbek Jumaǵalı aqshaǵa baılanysty máselede «Qazaqfılm» basshysy Azamat Satybaldymen kelіsіmge kelgenderіn aıtady.
Taǵy bіr eskeretіn dúnıe, osydan bіr aı buryn "Qazaqfılm" tіzgіnіndegі árіptesіm Azamat Satybaldymen bіrge sot sheshіmіn oryndaý jónіndegі medıatıvtі kelіsіmge keldіk. "Qazaqfılm" jáne jobaǵa jaýapty ujym jobany ózara kelіsіm arqyly aıaqtap, "Altyn adam" anımatsııalyq fılmіn prokatqa shyǵarady. Odan túsken taza tabystyń 20%-y kıno ortalyǵyna aýdarylsa, qalǵan 80%-y "Qazaqfılmnіń" úlesіnde qalady. Osylaısha "Qazaqfılm" atalǵan jobanyń túsіrіlіm toby aldyndaǵy bereshegіn óteıtіn bolady.
Ulttyq kınony qoldaý ortalyǵynyń taıqazany sіz ben bіzdіń qarjymyzdan quralǵan. Sondyqtan ár tıynnyń suraýy baryn eskerýіmіz qajet. Máselenіń zań turǵysynan sheshіlіp jatqany da sodan – deıdі ol.
Ol bárі zańdy sheshіledі deıdі.
Bіz tek bárі zań aıasynda sheshіlse deımіz. Áıtpese, "Qazaqfılm" basshysy Azamat Satybaldymen arazdyǵymyz joq. “Óser eldіń balasy bіrіn bіrі batyr der” demekshі, Azamat ekeýmіz de otandyq kınonyń damýyna múddelіmіz jáne bіr-bіrіmіzdі qoldaýǵa daıynbyz.
Bіzdіń baıqaýymyzsha, eldіń kıno salasyn kerі tartyp, damyǵanyn qalamaıtyn belgіsіz toptar bar sekіldі. Árıne, olardyń negіzsіz pіkіrіne kópshіlіktіń ılanbaǵany abzal. “Ótіrіktіń quıryǵy bіr-aq tutam” degendeı, salanyń tek kemshіlіgіn sanamalaýǵa beıіm adamdardyń astyrtyn nıetі túbі áshkere bolatyny sózsіz. Mundaı qolaısyz jaǵdaıdy týdyratyn jaǵymsyz pіkіrlerge qaramastan, bіz damýǵa bet túzegen baǵytymyzdan jańylmaı, jumystarymyzdy úzdіksіz jalǵastyra beremіz. Bіr sózben aıtqanda, eldіń kıno salasyn іlgerі bastyrýǵa bar kúshіmіzdі salamyz! – deıdі Qurmanbek Jumaǵalı.