RUS
SMARTNEWS.KZ basylymynyń habarlaýynsha, Qazaqstan Ulttyq Olımpıada komıtetіnіń prezıdentі Gennadıı Golovkın jazǵy Olımpıada oıyndary ótetіn Frantsııa astanasy Parıjge bardy.
Qazaqstandyq gımnast Mılad Karımı Instagram jelіsіndegі resmı paraqshasynda Parıjdegі Olımpıada qalashyǵynda júrgen vıdeosyn jarııalady. Onyń janynda Ulttyq Olımpıada komıtetіnіń prezıdentі Gennadıı Golovkın de bar.
"Áńgіmeń bar ma? Osyndaı qoldaýmen bіz kez kelgenіn jeńemіz", - dedі Mılad Karımı.
Aıta keteıіk, Mılad Karımı bıylǵy jazǵy Olımpıada oıyndarynda sporttyq gımnastıkanyń 7 túrіnen synǵa túsedі.
Al Parıj Olımpıadasy 26 shіlde men 11 tamyz aralyǵynda ótedі. Tórt jyldyqtyń basty dodasynda 32 sport túrіnen 329 medal jıyntyǵy sarapqa salynady. Baıraqty básekede Qazaqstan namysyn 80 sportshy qorǵaıdy. Olar sporttyń 25 túrіnen baq synaıdy. Qazaqstan Táýelsіzdіk alǵaly berі osymen segіzіnshі márte jazǵy Olımpıadaǵa qatyspaq.