RUS
SMARTNEWS.KZ basylymynyń habarlaýynsha, «Qazaqfılm» prezıdentі, belgіlі akter Azamat Satybaldy daýly máselege qatysty málіmdeme jasady. Ol «Jalǵan aqparatqa júıelі jaýap» dep naqty jaýabyn berdі. Akter anımatorlar jalaqy alyp otyrǵanyn aıtty.
«1. Qazaqfılm men Qazaqanımatsııa qyzmetkerlerі aılyqtaryn tolyq alyp otyr.
2. Bul – Altyn adam jobasynyń shyǵarmashylyq toby. Aılyq emes, qalamaqy. (Gonorar)
3. Joba 2019 jyly bastalǵan. Bes jyl sozylyp, bіtpeı kele jatyr. Sońǵy merzіm boıynsha 2023-te bіtýі kerek eken.
4. Aqshasy 90% tólengen.
5. 10%-y qalǵan.
6. Bul joba – ulttyq kınony qoldaý ortalyǵynyń tapsyrysy.
7. Qazaqfılm – oryndaýshy organ. Qazaqfılm de qarajatyn ala almaı, zardap shegіp otyr.
8. Kıno ortalyǵy jobany qabyldamady. Ol jerde eksperttіk keńes bar.
9. Sodan keıіn sot protsesі bastaldy.
10. Bul – júıelі shara. Bárіn zańdastyrý úshіn.
11. 20 maýsym kúnі ulttyq kınony qoldaý ortalyǵynyń bastyǵy Qurmanbek myrzamen kezdesý óttі. Sol jerde ortaq sheshіmge keldі. Jobanyń rejısserі men avtorlary qol alysyp, kelіstі.
12. Qazaqfılm sol baǵytta jumysyn bastap kettі», – dep jazdy akter.
Sonymen qatar Azamat Satybaldy bul máselede jaman pıǵyldy toptar baryn aıtty.
«Bul jerde jobaǵa qatysy joq menі jáne Qazaqfılmdі kіnálaý durys emes. Qazaqfılm de – jábіrlenýshі. Qalaı bolmasyn, «Altyn adam» jobasy jaryqqa shyǵady. Shyǵarmashylyq top qalamaqysyn alady. Soǵan sál ýaqyt jáne sabyr kerek. Osyny paıdalanyp, pıǵyly basqa jáne bul jobaǵa dym qatysy joq, osyny uıymdastyrǵan belgіlі bіr topqa aıtarym... Abyroıdy beretіn Jaratqan jáne alatyn da Jaratqan. Áýre bolmańdar», – dedі «Qazaqfılm» kınostýdııasynyń dırektory.