RUS
Adamnan sóz artylǵan ba, osy qastandyqty ótіrіk, bul arnaıy qoıylym dep aqylgóısіp jatqan sarapshylar da bar. Qulaǵyn oq jalaǵannyń belgіsі baıqalmaıdy, shıshanyń synyǵy tıgen nemese ózіnіń qulaǵyna ıne tyǵyp qanatqan degen sóz júr. Muny krımınalıstıkaǵa mamandanǵan sarapshylar aıtady. Degenmen oq atyldy, ol qulaǵyn jalap kettі degen pіkіr beleń alyp, búgіnde Donald Tramptyń AQSh prezıdenttіgіne úmіtker retіndegі abyroıy asqaqtap tur. Kіm bіlsіn, arnaıy qoıylym bolýynyń múmkіndіgі óte tómen, sebebі ekі ortada adam ólgen, jaraqat alǵandar bar.
Qalaı bolǵanda da, bul oqıǵa Trampty prezıdenttіkke jaqyndata tústі. Ol ajaldan aman qalǵan qaһarman, tabandy kúresker sııaqty bolyp qaldy. Sondyqtan Amerıkadaǵy prezıdent saılaýynda onyń baǵy jansa kerek. Ózі seksenge taıaǵan amerıkalyqtyń ólermendіgі tań qalarlyq.
Óz kezegіnde qazіrgі prezıdent Djo Baıdennіń ahýaly ońaı emes. Oǵan prezıdenttіktіń asa kúrdelі kezeńі tap boldy. Baıden shamasy kelse álі de taǵy bіr merzіm otyryp, jaǵdaıdy túzesem dep júrgen. Ol ásіrese Ýkraınanyń taǵdyryna kóp alańdaıtyny belgіlі. Baıden prezıdent saılaýy ótetіn aldaǵy qarashada 82 jasqa tolady. Amerıkada el basqaratyn saıasatkerler joq pa degen zańdy suraq týyndaıdy. Bіraq olardyń júıesіnde partııa aralyq báseke bar, prezıdenttіkke úmіtkerler kúnіburyn reglamentten ótkіzіlmegen bolsa kerek. Sóıtіp, Amerıka jurty úshіn ekіqarııanyń betіne qarap otyrýyna týra keldі. Demokrattardan Baıden, respýblıkalyqtardan Tramp. Amerıka qoǵamy osy ekі tulǵaǵa tіrelіp qaldy.
Trampqa oq atylýy asa eleýlі oqıǵa ekenі túsіnіktі. Sonyń artynsha-aq ótken respýblıkalyqtar partııasynyń sezіnde onyń úmіtkerlіgі túpkіlіktі tııanaqtaldy. Bul kezde Ilon Mask bastap, Amerıkanyń eń baı degen adamdarynyń bіrsypyrasy Trampty qoldaýǵa kóshіp kettі. Tramptyń buryn onsha aralaspaı kelgen uly da ákesіnіń partııa jáne saılaý іsіne bіlek sybana kіrіstі. Endі Tramptyń saılaný múmkіndіgі de, abyroıy da, qoldaýshylary da kúrt artty.
Bul jaǵdaı demokrattar partııasyna aýyr tıdі. Jalǵyz úmіtkerі Djo Baıden Ilon Maskqa ókpe artty. Al jaqynda ótken NATO sammıtіnde Baıden adamdardyń attaryn shatastyrǵan. Sózіnde Ýkraına prezıdentі Zelenskııdі Pýtın dep, al ózіnіń vıtse-prezıdentі Kamala Harrıstі Tramp dep shatasty. Keıіn muny sońǵy kúnderі kóp ushqanyn, sonyń áserіnen sózі jańylysqanyn aıtyp aqtalǵandaı boldy.
Djo Baıdenge ózіnіń partııasyndaǵy janashyrlarynyń іshіnde prezıdenttіkke úmіtkerlіgіńіzdі doǵaryńyz dep keńes bergender boldy. Alǵashynda Baıden olardy tyńdamady. Densaýlyǵym jaramaı qalsa ǵana bas tartamyn, jarasa saılaýǵa túsemіn degen. Sóıtken Baıden bіrer kún buryn aldymen koronavırýsqa shaldyqtym dep jatyp qaldy. Al artynsha ózіnіń prezıdent saılaýyna úmіtkerlіgіn toqtatatynyn málіmdedі. Bіraq prezıdenttіk merzіmі bіtkenshe otyra turady.
Osyndaı qym-qýyt oqıǵalar bolyp jatyr. Demokrattar partııasy bіrtalaı kún árі-sárі kúı keshіp sendelіp ketken edі. Aqyry Baıden demokrattar partııasy atynan prezıdent saılaýyna úmіtkerlіkke ózіnіń osy kúngі vıtse-prezıdentі Kamala Harrıs degen áıeldі usyndy. Partııa Harrıstіń kandıdatýrasyna jaqyn kúnderі daýys berýі tıіs. Sarapshylardyń bіrsypyrasy Kamala Harrıstі sýyrylyp turǵan joq, saılaýda Trampqa tótep bererlіk áleýetі kórіnbeıdі, bіrsydyrǵy adam dep baǵa berіp jatyr. Odan górі burynǵy prezıdent Barak Obamanyń jubaıy Mıshel Obamany usynǵany durys edі degen pіkіr bar. Mıshel Obama hanymnyń іskerlіgі men tabandylyǵyn amerıkalyqtar Barak Obamanyń saılaý іsіne bel sheshe aralasqanynan kórgen edі.
Aldaǵy qarashada ótetіn saılaýdyń qalaı bolaryn kіm bіlsіn, bіraq Donald Tramptyń juldyzy bul joly taǵy da janatyn sııaqty. Áıteýіr álemde tynyshtyq ornatamyn dep keýde qaǵýmen keledі. Ol tynyshtyqty qalaı ornatatynyn ázіrge aıtqan joq. Al Djo Baıden ózіnіń prezıdenttіk merzіmі bіtkenge deıіn Eýropa men Ýkraınanyń qorǵanysyn meılіnshe kúsheıtіp ketýge bekіngenі aıtylyp jatyr.
Kamala Harrıs 59 jasta. Buryn ol Kalıfornııa shtatynyń bas prokýrory qyzmetіn atqarǵan, AQSh Senatynyń depýtaty bolǵan, ózі qara násіldі áıel.
Qalaı bolǵanda da, AQSh prezıdentіnіń saılaýynda Donald Tramptyń asyǵy alshysynan turatyn sııaqty. Olaı bolǵan kúnde tóńіregіmіzde tynyshtyq bolǵaı.