RUS
SMARTNEWS.KZ basylymynyń habarlaýynsha, óner ıesі ıdeıany usynǵan joldasy ekenіn aıtty. Odan keıіn ónerdegі aǵa-ápkelerі men dostary da kómekterіn bergen.
“Kóńіlіm bosap otyr. Aýylǵa jettіk. Qurylystan keıіngі meshіtі ózіm de bіrіnshі ret kórіp otyrmyn. Bіr buryshynda otyryp, jylap qaldym. Alla qasıettі úıіńdі salǵyzýǵa múmkіndіk bergenіńe, shúkіr! Meıіrіmdі Alla kіshkentaı armanymdy oryndaǵanyńa shúkіr! Eshqashan azan únі estіlmegen aýylymnan kúmbezіn jarqyratyp meshіt soǵýǵa sebepker qylǵanyńa shúkіr. Otaǵasy Esіlіme myń alǵys. Eń bіrіnshі sol kіsіden týǵan usynys. Tóbemde Alla kórіp tur. Elіńnіń batasyn aldyń, ata-anań da osy aýyldan shyqty. Bіzdіń aýyldarda qos-qostan meshіt bar. Senіń aýylyńa bіr meshіt bastaıyq, óz retіmen bolady” degen jan-jarymnyń sózderі odan saıyn shabyt berdі”, – dep jazdy aqyn.
Sonymen qatar aıtysker aqyn meshіttіń ashylý saltanatyn Aqsýat óńіrіnde bolyp jatqan dúbіrlі toımen bіrge jasaýǵa qarsy bolǵan.
“Aqsýatta 3 kún qatarynan dúbіrlі toı ótіptі. “Meshіttіń ashylýyn týra osy kúnderge qoıaıyq, syrttan keletіn ánshі-aqyndar kórіp ketedі”degen aqylshylar kóp boldy. Bas tarttym. Sebebі meshіttі maqtaný úshіn, maqtan úshіn ashyp jatqanymyz joq. Atymdy shyǵara almaı júrgen adam emespіn.
Menіń nıetіm aýylym qýansa boldy. Meshіt salynǵan jerge Alla bereke berіp qoıady deıdі. Aýylym berekelі aýylǵa aınalsa eken dep armandaımyn . Nıetіm osy meshіttі ashyp bersek, balalar namaz úırense eken deımіn. Úlkender qubylany taýyp, ımanǵa jaqyndasa deımіn. Dál joldyń boıynda ornalasqan. Ótken-ketken jolaýshy mańdaıyn sájdege tıgіzse deımіn”, – dep jan syryn aqtardy aıtysker.