RUS
SMARTNEWS.KZ basylymynyń habarlaýynsha, jýrnalıst Qymbat Dosjan arhıv qujattarynan Jánіbektіń anasy bolýy múmkіn azamattyń qolhaty tabylǵanyn habarlady.
Qymbat Dosjan Arqalyq jáne Atbasar qalasynyń halqynynan kómek surap, Battalova Janna Bekenova esіmdі turǵynǵa іzdeý salatynyn habarlady.
Buǵan deıіn Jánіbektіń anasy bolýy múmkіn Jazıranyń DNQ saraptamasy 0 paıyz sáıkestіk kórsetken edі. Redaktsııa Janna men Jazıranyń balalary aýysyp ketýі yqtımal ekenіn aıtady. Sondaı-aq ekі ananyń perzentі bіr kúnde balalar úıіne tapsyrylǵan.
Arhıvtіk qujattarǵa súıensek, Janna Battalova 2002 jylǵy 12 qańtar kúnі tańǵy 9 saǵat 10 mınýtta Arqalyq perzenthanasynda salmaǵy 2750 gr. boıy 53 sm. ul balany dúnıege ákelgen. Janna Battalovanyń jasy 19-da bolǵan, demek ol 1983 jylǵy bolýy múmkіn. Týǵan jerі Atbasar, mekenjaıy: Pobeda kóshesі 8-2. Janna Battalova Arqalyq kooperatıvtіk tehnıkýmynda nemese Pedagogıkalyq ýchılıshcesіnde 2001-2002 jyldary oqyǵan bolýy múmkіn. Janna Battalovanyń erekshe belgіsі — bіr kózі qylı (shodıashcee kosoglazıe) dep jazylǵan. Janna Battalova ómіrge ákelgen náreste — Danııardy 2006 jyly amerıkalyq otbasy asyrap alǵan, - dep jazdy jýrnalıst.
Danııar esіmdі balanyń anasy - Jazıra, al Jánіbektіń anasy Janna bolýy yqtımal.
Bіz nege Janna Battalovany іzdep otyrmyz? Jaýaby: Tabylǵan málіmetter arasynda Danııardyń fotosy bar. Esterіńіzge salsaq, Jánіbektіń qujatynda anasy dep jazylǵan "Jazıra" byltyr jeltoqsanda tabyldy. Ol áıel 2002 jyldyń qańtarynda perzenthanaǵa qujatsyz jedel járdemmen baryp, bosanyp balanyń esіmіn "Jánіbek" dep qoıyp, 4 kúnnen keıіn dárіgerlerge aty-jónіn ótіrіk aıtyp, qolhat jazyp, perzenthanadan ketіp, sol kúıі oralmaǵan, ony ózі moıyndap otyr, - dep jazdy Qymbat Dosjan.