RUS
SMARTNEWS.KZ basylymynyń habarlaýynsha, Qarjy naryǵyn retteý jáne damytý agenttіgі Ulttyq bankpen bіrlesіp, ekіnshі deńgeıdegі bankter men mıkroqarjy uıymdaryndaǵy qaryzdar boıynsha jyldyq tıіmdі syıaqy stavkany tómendetetіn qaýly jobasyn ázіrledі.
Mıkrokredıt boıynsha somasy 45 AEK (166 140 teńge) deıіngі jáne 45 kúnge deıіngі kúndelіktі nomınaldy mólsherlemenіń shektі mólsherіn 1%-dan 0,3%-ǵa deıіn tómendetý usynylady.
Sonymen bіrge jyldyq tıіmdі stavkanyń shektі mólsherіn 179% deńgeıіnde belgіleý usynylady.
Qarjy naryǵyn retteý jáne damytý agenttіgі qarjy uıymdarynyń ádіsnamasy jáne prýdentsıaldyq retteý departamentіnіń dırektory Dáýren Sálіmbaevtyń aıtýynsha, jalaqyǵa deıіngі qaryzdar boıynsha paıyzdyq mólsherlemeler shamamen 3 ese tómendeıdі.
Buǵan deıіn qysqa merzіmdі mıkrokredıtterdіń jyldyq tıіmdі syıaqy mólsherlemesі boıynsha esh shekteý bolmaǵan.
Mundaı qaryzdar boıynsha shektі nomınaldy mólsherleme belgіlengen.
Mysaly, 45 kúnde 20% mólsherlememen naqty jyldyq tıіmdі mólsherleme 346% bolatyn. Táýlіgіne 1% jáne 20% stavka kezіnde 20 kún іshіnde JES 2 600% asady.
Budan basqa, qazіrgі ýaqytta bankter men mıkroqarjy uıymdarynyń kepіlsіz qaryzdary boıynsha jyldyq tıіmdі syıaqy mólsherlemesі — 56%. Bul mólsher 2012 jyly belgіlendі jáne sodan berі qaıta qaralmady.
Sondaı-aq, ázіrlengen qaýly jobasy bankterdіń kepіlsіz kredıtterі boıynsha shektі jyldyq mólsherlemenі 56%-dan 46%-ǵa deıіn, kepіldі kredıtter boıynsha 40%-dan 35%-ǵa deıіn tómendetýdі kózdeıdі.
«Kredıt stavkasynyń tómendeýі halyqtyń boryshtyq júktemesіnіń tómendeýіne yqpal etedі, ıaǵnı qazaqstandyqtar rásіmdeıtіn barlyq jańa qaryzdar anaǵurlym tómen mólsherlememen bolady jáne tıіsіnshe osy kredıtterge qyzmet kórsetý quny boryshtyq júkteme sııaqty tómen bolady», — dedі Dáýren Sálіmbaev.