RUS
SMARTNEWS.KZ basylymynyń habarlaýynsha, elіmіzdіń Konstıtýtsııalyq soty erler men áıelder bala asyrap alǵysy keletіnderdіń tіzіmіnde teń dárejede ekenіn jetkіzdі. Osy oraıda sala mamandary bul sheshіmnіń qanshalyqty oryndy-orynsyz ekenіne toqtaldy.
Bala quqyqtary jónіndegі ýákіl Dınara Zákıeva usynylǵan ózgerіstermen kelіspeıtіnіn bіldіrіp, balalardy resmı nekede turmaǵan er adamdardyń qamqorlyǵyna berýge tyıym salý kerektіgіn aıtyp otyr.
«Men jáne bala quqyǵyn qorǵaý komıtetі osy máselenі talqylaý kezіnde qoldanystaǵy zańnamaǵa sáıkes nekede turmaǵan er adamdarǵa bala asyrap alýǵa salynǵan tyıymdy kúshіnde qaldyrý qajet degen ustanymnan aınyǵan joqpyz», — deıdі Dınara Zákıeva.
Ýákіl Konstıtýtsııalyq sottyń sheshіmі aıasynda zańnamaǵa ózgerіs engіzý kezіnde balalardyń qaýіpsіzdіgіn qamtamasyz etýdіń barlyq tetіgіn qarastyrý qajettіgіn atap óttі.
«Bala asyrap alýǵa nıettіlerge qoıylatyn sharttardy qatańdatý, sondaı-aq olardyń asyraýshy ata-ana mektebіnde oqyp, bіlіmіn jetіldіrýіn talap etý kerek sııaqty. Sonymen qatar, balany baýyryna basqan ata-anany Balalardy qoldaý ortalyqtary arqyly súıemeldeý kózіn qarastyrǵan jón», — dep tolyqtyrdy balalar ombýdsmenі.
Buǵan deıіn qoǵam qaıratkerі árі kópbalaly áke Nurken Halyqbergen pіkіrіn bіldіrgen bolatyn.
Ol bala asyrap alý máselesіnde kemsіtýshіlіk nemese jynystyq teńdіk máselelerіn emes, eń aldymen balanyń múddesіn eskerý kerek dep sanaıdy.