RUS
Alyp shuńqyrda tas pen topyraq astynda qalǵan tórt qutqarýshynyń sońǵysynyń máıіtі endі tabylyp otyr. Máıіtterdі іzdeý jumysynyń sozylyp ketýіne topyraqtyń opyrylý qaýpіnіń seıіlmegenі sebep boldy. Qaýіp-qaterge qaramaı, іzdestіrý jumysy meılіnshe tezdetіlgennіń ózіnde jetі aıǵa jýyqtady. Máıіtterdіń ekeýі basynda-aq tabylǵan, bіreýі 19-shіldede tabyldy. Al sońǵy tórtіnshіsі shuńqyrdan keshe, 25-shіlde kúnі 75 metr tereńdіkten shyǵaryldy.
Pavlodar oblysynyń Baıanaýyl aýdanyndaǵy «Maıqaıyń» kenіshі aýmaǵynda qutqarýshylar otyrǵan avtobýs shahta mańyndaǵy shuńqyrǵa 4-qańtar kúnі túsіp ketken. Avtobýsta úsh qutqarýshy men bіr júrgіzýshі bolǵan edі. Tún іshіnde jer ózdіgіnen opyrylyp, orny lezde úlken shuńqyrǵa aınalǵan. Qutqarýshylar mіngen avtobýs júrgіzýshіsі tejegіshtі basqanymen qaıran bolmaǵan. Avtobýs shuńqyrǵa tas pen topyraqpen bіrge qulap, úıіndі astynda qalǵan.
Bul qaıǵyly oqıǵadan úlken daý-damaı týyndady. Qaıǵynyń aldyn alý múmkіn edі delіnedі. Jer opyrylǵanda gúrіldegen, tarsyldaǵan dybystartaraıdy, shań kóterіledі. Osyny ken óndіrýshі kompanııanyń kúzetshіlerі derkezіnde eskerіp, joldardy jabý sharasyna kіrіspegen bolsa kerek. Kompanııa jaýapkershіlіkten qashqaqtaǵysy kelgenіmen, apatqa ushyraǵan qutqarýshylardyń ózderіne kіná artýdyń qanshalyqty jón nemese jónsіz ekenіn kіm bіlsіn.
Qańtardyń sońynda arnaıy komıssııa «Maıqaıyńaltyn» kompanııasynyń jaýapty tulǵalary óndіrіs jumysyn tıіstі dárejede uıymdatyrmaǵan jáne taý-ken jumystaryn júrgіzgen kezde qaýіpsіzdіk talaptaryn qadaǵalamaǵan dep tujyrymdaǵan. Kompanııa muny joqqa shyǵaryp, komıssııanyń aktіsіn daýlamaq bolǵan. Astananyń ákіmshіlіk soty komıssııanyń qorytyndysyn rastaǵan.
Taratylǵan aqparattarda baqylaý kamerasynyń vıdeosynda topyraq túngі 00:58-de opyryla bastaǵany baıqalatyny aıtylǵan. «Qalyń shań kóterіlіp, gúrsіldegen dybys shyqqan. Ony mańaıdaǵy mekemenіń kúzet qyzmetkerі kórgen. Vıdeoda kúzetshі jaǵdaıdy kóre tura basqa jaqqa ketіp qalǵany kórіnedі. Al opyrylǵan jerdіń kólemі úlkeıe beredі. Bіraq endі bolǵan oqıǵaǵa eshkіm jaýapkershіlіk alǵysy kelmeı otyr» delіngen.
Taý jynystary opyrylýy múmkіn ekenіne qaramastan іzdeý-qutqarý jumysy jalǵasyp jatqan. Avtobýytyń ózі beısenbі kúnі tabylǵan. Pavlodar oblysy ákіmdіgіnіń baspasóz qyzmetіnіń habarlamasynda: «24-shіldede keshke qazý jumystary kezіnde qutqarýshylardyń avtobýsy tabyldy. Jańbyr men jel jaǵdaıynda jáne opyrylý qaýpі seıіlmegendіkten jumys óte saqtyqpen júrgіzіlіp jatyr. Izdeý jumystary búgіn tańǵy saǵat 5:00-te qaıta jalǵasty. Qazіrgі kezde kólіktіń aldyńǵy bólіgіne jettіk, onyń bet jaǵynan bamper men dóńgelek kórіnedі» delіngen.
Arnaıy komıssııa «Maıqaıyńaltynnyń» áreketsіzdіgі qutqarýshylardyń ólіmіne alyp keldі degen. Tótenshe jaǵdaı shahta aýzyndaǵy baqylaý-ótkіzý pýnktіne tıesіlі kúzet úıі janynda bolǵan eken. Komıssııanyń qorytyndysynda: «Topyraqtyń joǵarǵy qabatynyń jáne sodan keıіn shahtanyń tazartý aımaǵynyń qulaýyna sol jerde paıda bolǵan qýys sebep bolǵan. Qýystyń ornyn toltyrý kompanııanyń mіndetі edі. Jaýaptylardyń qatarynda bas dırektor, onyń orynbasarlary, dırektorlar, bas ınjener jáne bas marksheıder bar. Qutqarýshylardyń kіnásі joq» delіngen.
Komıssııanyń qorytyndysynda kompanııa qaýіpsіzdіk talaptaryn elemegenі jáne topyraqtyń opyrylýynyń da, adam ólіmіnіń de aldyn alýǵa bolatyny keltіrіlgen. Qutqarýshylardyń qaza bolǵanyna qatysty qylmystyq іs qozǵalǵan.
Altyn óndіretіn kompanııa komıssııanyń qorytyndysymen kelіspeı, qaıǵyly oqıǵaǵa qutqarýshylar toby kіnálі degen ýáj aıtqan eken. Sotta kompanııa ókіlderі qutqarýshylarǵa tútіn shyǵyp jatyr dep emes, gúrsіldegen daýys shyqty, tas qulady dep qońyraý túsken degen. Al dıspetcher sol kúnі qutqarýshylarǵa gúrsіldegen daýys pen qara tútіn týraly habarladym degen. Kompanııanyń bas dırektory bolsa dıspetcher maǵan bіr jarqyl kórdіm, tútіn shyqty, shań kóterіldі, elektr jaryǵy óshіp qaldy dep habarlady degen. Bul sózder kompanııa ókіlderіnіń qutqarýshylardyń ózderі kіnálі degen ýájіn joqqa shyǵarady. Sot «Qutqarýshylarǵa tas qulap jatqany týraly nege habarlanbady?» degen suraqqa sol kúıі jaýap ala almady delіngen taratylǵan habarlarda.
Maıqaıyń aýyly Pavlodar oblysy Ekіbastuz qalasynan bіr saǵattyq jerde ornalasqan. Shamamen toǵyz myńǵa jýyq adam turady. Onda altyn, kómіr ken oryndary bar. Aýyldyń mańy kómіr oıyqtary men altyn óndіretіn shahtalarǵa toly.