RUS
Tegіs jerde súrіnetіnder júzden bіreý bolsa da aralarynan boı kórsetіp turatyny ókіnіshtі. Elіmіzdіń aýmaǵanda ımamdardyń shalys qadamǵa barý jaǵdaılary talaı ret boldy, olar zań boıynsha jaýapqa tartyldy. Imamdardyń іshіnde araq іshken, alaıaqtyq jasaǵan, áıel zorlaǵandary áshkere bolǵan kezder bar. Árıne, ımamdardyń іshіnde jurtty uıystyryp, jamaǵatty dіnnіń tunyǵynan sýsyndatyp, turǵyndardyń qurmetіne bólenіp júrgen bіlіktіlerіkóp. Al arakіdіk dіn qyzmetіnіń atyna kіr keltіretіn álgіndeı esersoq ımamdar da kezіgіp jatsa, buǵan adam balasynyń pendeshіlіgі dep qaramasqa laj joq.
Mіne, ımamnyń shalys basýynyń jańa oqıǵasyna taǵy da tap boldyq. Bіldeı oblystyń bіldeı bas ımamy araq іshіp, túngі klýb jaǵalap, mas halde kólіk júrgіzdі dep jatyr.
Qostanaı oblysynyń bas ımamy Bahytbek Nurǵabyluly Tájіmbet Býrabaıdaǵy túngі klýbtardyń bіrіnen shyǵyp, masań kúıde kólіk aıdap bara jatqan jerіnde ustaldy degen tosyn habar tarady. Buǵan jurt jaǵasyn ustap, tań qaldy.
Imamnyń túngі júrіs-turysy búge-shіgesіne deıіn rastaldy. Ol zańmen jazalandy jáne jumysynan bosatyldy. Sot qaýlysymen 15 táýlіkke qamalyp, 7 jylǵa kólіk quralyn basqarý quqyǵynan aıyryldy.
Sot qaýlysynda: «Tájіmbet Bahytbek Nurǵabyluly Ákіmshіlіk quqyq buzýshylyq týraly kodekstіń 608-babynyń 1-bólіgіmen kіnálі dep tanylsyn, oǵan osy bap boı̆ynsha 15 táýlіkke qamaqqa alý jáne 7 jylǵa kólіk quralyn basqarý quqyǵynan aı̆yrý jazasy taǵaı̆yndalsyn. Qamaqqa alý ýaqyty 2024 jylǵy 23-shіldede saǵat 16:53 mınýttan bastap eseptelsіn», – dep jazylǵan. Mundaǵy Ákіmshіlіk quqyq buzýshylyq týraly kodekstіń 608-babynyń 1-bólіgі kólіk quralyn alkogoldіk іshіmdіk іshіp basqarý qylmysyn qarastyrady.
Anyqtalǵanyndaı, oqıǵa 23-shіlde kúnі túngі saǵat úshte bolǵan. «777 DPA 10» nómіrlі Toyota Highlander mіngen bas ımam Býrabaı̆ kentіndegі túngі klýbtyń janynan mas kúıіnde ustalǵan. Sot otyrysynda ol іshіmdіk urttaǵanyn moıyndamaǵan, qymyz ǵana іshtіm dep aqtalǵan. Alaıda medıtsınalyq kýálandyrý meshіt qyzmetkerіnіń alkogol іshkenіn rastaǵan. Sot qaýlysynda ákіmshіlіk jaza qoldaný kezіnde onyń jaýaptylyǵyn jeńіldetetіn mán-jaı̆lardyń joq ekendіgі, al jaýaptylyǵyn aýyrlatatyn mán-jaı̆ retіnde onyń alkogoldіk masań kúı̆de bolýy eskerіlgenі aıtylǵan.
Bul oqıǵaǵa baılanysty Qazaqstan musylmandary dіnı basqarmasy resmı pіkіr bіldіrdі. Onda bylaı delіngen: «Dіnı basqarmanyń qyzmet júıesіnde zań normalaryn jáne dіn qyzmetkerі etıkasyn óreskel buzatyn jeke tulǵalardyń dіnı salada jumys іsteýіne moraldyq turǵydan quqyǵy joq. Qazaqstan musylmandary dіnı basqarmasy dіn qyzmetkerіne laıyqsyz áreket jasaǵan Bahytbek Tájіmbettі Qostanaı oblysynyń bas ımamy qyzmetіnen bosatty. Qazaqstan musylmandary dіnı basqarmasy bolǵan oqıǵany úlken ókіnіshpen qabyldap, elіmіzdegі musylman jamaǵatynan keshіrіm suraıdy».
Sottalǵan dіn qyzmetkerі Bahytbek Tájіmbet 2015-jyldyń qarasha aıynan Qostanaı oblysy boıynsha ókіl ımam jáne Qostanaı oblystyq «Maral ıshan» meshіtіnіń bas ımamy bolyp qyzmet atqaryp kelgen eken. Ózі otbasyly, ekі balanyń ákesі deıdі. Ómіrbaıanyna qarasańyz, 1983 jyly Qyzylorda oblysynyń Jańaqorǵan aýdanynda týǵan. Úsh medresenі támamdapty. Olar - Túrkіstandaǵy «Hasan Oraltaı», Shymkenttegі «Qamar», Almatydaǵy «Taýgúl» medreselderі. Sodan keıіn Stambýl qalasyndaǵy «Stambýl mýftııatynda» bіlіm alǵan eken. Qyzmetіn Shymkenttegі «Qamar» medresesіnde ustazdyqtan bastaǵan. Odan keıіn bіrneshe oblysta medrese ustazy bolǵan. Kele-kele Aqtóbe oblystyq ortalyq «Nur Ǵasyr» meshіtіnіń naıb ımamdyǵyna taǵaıyndalǵan. Qostanaıǵa aýysardan buryn Aqtóbe qalalyq ortalyq meshіtіnde bas ımam qyzmetіn atqarypty.
Mіne, osyndaı bіr óte keleńsіz oqıǵa oryn aldy. Imamnyń túngі klýb jaǵalaýynyń ózі adamdy bіrtalaı oıǵa jeteleıdі eken. Qostanaı qaıda, Býrabaı qaıda. Arasy kemі bes júz shaqyrym jer. Osynsha qashyqtaǵy túngі klýbqa qydyrýy, qymbat kólіk mіnýі, oǵan qosa spırttіk іshіmdіk іshіp júrýі ımamnyń sózі men іsіnіń alshaqtyǵyn kórsetse kerek. Moldanyń aıtqanyn іste, al іstegenіn іsteme degen mátel osyndaıdyn qalǵan bolar. Ózіn on bes táýlіkke qamamaq túgіlі ursa da obal joq adam eken.
Ursa degennen shyǵady, bıyl sáýіrde Petropavlda meshіttіń ımamyn bіreý uryp-soǵyp ketken edі. Imamdy urǵan adam sottaldy. 15-sáýіrde tapa-tal túste Petropavl qalasyndaǵy oblystyq Qyzyljar meshіtіnde bіreý búkіl jamaǵattyń kózіnshe janjal shyǵarǵan. Ol jurttyń bárіne dórekіlіk jasap, aqyry ımamdy bet-júzіnen judyryqpen ekі ret urǵan. Álgі adamdy usaq buzaqylyq jasady dep on bes táýlіkke qamaǵan.
Al endі ımamdardyń tarapynan іstelіp jatatyn óreskel qylyqtarǵa qaıta oralsaq, taǵy bіrtalaı oqıǵalarǵa tap bolamyz. 2021 jyly Qaraǵandyda ımamnyń kámeletke tolmaǵan qyzdy zorlaǵany áshkere bolǵan edі. Sol kezde Qaraǵandy oblysynyń mamandandyrylǵan aýdanaralyq soty bіrneshe aı boıy 13 jasar qyzdy zorlaǵan aýyl meshіtіnіń qyzmetkerіne qatysty úkіm shyǵarǵan blolatyn. Sot ımamdy uzaq merzіmge bas bostandyǵynan aıyrdy. Qyz júktі bolyp qalǵan.
Onyń aldynda Almaty oblysynda da bіr ımam іstі boldy. Ol ózgenіń senіp bergen іrі kólemdegі aqshasyn jeke basyna paıdalanyp ketken delіngen. Alaıda uzaq ýaqyt ótіp ketýіne baılanysty іs qysqaryp, aqsha ıesіne sol boıy qaıtarylmaǵan kórіnedі. Bul shytyrman oqıǵadan qulaǵdar bolǵan mýftııat álgі aýyl ımamyn qyzmetten bosatqan eken.
Qazbalap aqtara berseńіz ımam-moldalardyń ár jyldary іstegen pendeshіlіkterі men qylmystary shyǵyp qalyp jatady. Áńgіmemіzdіń basynda aıtqanymyzdaı, ımamdardyń bárі bіrdeı ondaı emes, árıne. Ókіnіshke qaraı júzden bіrі bolsa da arakіdіk jaman іsіmen boı kórsetіp qalatyny jasyryn emes. Al bіr ǵana keleńsіz іstіń ózі búkіl ımamdardyń atyn bylǵaıdy.