RUS
SMARTNEWS.KZ basylymynyń habarlaýynsha, «Aralǵa sý toltyramyn» dep elge jar salyp júrgen Altaı Aınabektіń jasandy jańbyr jaýǵyzý tehnologııasyn álemnіń ǵylymı qaýymdastyǵy moıyndaǵan joq. Al ónertapqysh qoldanyp júrgen ıondaý ádіsі Bіrіkken Arab Ámіrlіkterіnde úsh ret sátsіz aıaqtaldy. Ekologııa jáne tabıǵı resýrstar mınıstrlіgіne qaraıtyn «Qazgıdromet» RMK osyndaı málіmdeme jasady. Bul týraly Azattyq Rýhy jazdy.
Altaı Aınabek basqaratyn International Center of Climate Change Technologies kompanııasy Bіrіkken Arab Ámіrlіkterіnde tіrkelgen. Qazgıdromet bul kompanııa ıondaý ádіsіn qoldanatynyn atap óttі. Alaıda qazіrgі tańda atalǵan tehnologııa álemnіń ǵylymı qaýymdastyǵy tarapynan moıyndalmaǵan.
Sońǵy jyldary ınternet keńіstіgі men áleýmettіk jelіlerde BAÁ, Iordanııa jáne taǵy basqa elderde ıondaý ádіsіmen jaýyn-shashyn shaqyrýdyń sáttі nátıjelerі týraly ártúrlі aqparat tarap jatyr. Osyǵan baılanysty «Qazgıdromet» RMK osy elderdіń ulttyq gıdrometeorologııa qyzmetіne resmı saýal joldap, ıondaý tehnologııasy týraly sarapshylar qorytyndysyn usynýdy suraǵan.
«BAÁ Ulttyq meteorologııa ortalyǵynyń resmı jaýabyna súıensek, Bіrіkken Arab Ámіrlіkterіnde 2001, 2006, 2007 jyldary jaýyn-shashyn mólsherіn ulǵaıtý boıynsha júrgіzіlgen úsh synaq ta sátsіz aıaqtalyp, kútken úmіttі aqtamady. Tabysty nátıjege qol jetkіzіlmegendіkten jáne ǵylymı negіzdelgen dálel bolmaǵandyqtan BAÁ-nіń jaýyn-shashyn mólsherіn ulǵaıtý baǵdarlamasyn qaraý jónіndegі komıtetі qalǵan usynystardan bas tartty. BAÁ Ulttyq gıdrometeorologııa qyzmetіnіń basshylyǵy «ıondaý tıptі synaqtarmen aınalyspaýǵa» tabandy túrde keńes beredі», - deıdі Qazgıdromettegіler.
Al Iordanııanyń meteorologııa departamentі atalǵan tehnologııany tіkeleı qoldanbaǵan. Alaıda, baqylaý jelіsіnіń derekterі boıynsha, sońǵy 30 maýsymda ıondaý qoldanylmaǵan kezeńde kóp jaýyn-shashyn túsken.
Qazgıdromet bıyl Qyzylorda oblysy men Qyzylorda qalasyna jaýǵan jańbyr tabıǵı sınoptıkalyq jaǵdaılarmen baılanysty ekenіn jáne 10 kúnge deıіngі dáldіkpen kúnі buryn boljanǵanyn málіmdedі. Maýsym-shіlde aılarynda túsken jaýyn mólsherі ortasha kópjyldyq normaǵa jaqyn jáne tómen bolǵan.