RUS
SMARTNEWS.KZ basylymynyń habarlaýynsha, Gúlmıra Smaıyl alyp qashýdyń qurbany bolǵan. Ol 20 jyl boıy іshkіsh kúıeýіnen qorlyq kórіp kelgen. Bul týraly KYN.KZ jazdy.
Bul týraly ol Qazaq Airan ıýtýb-arnasyna bergen suhbatynda aıtty. «Habar» arnasyna Gúlmıra Smaıyldy basynan ótken qıyndyǵyn baıandaýǵa shaqyrǵan eken. Alaıda, kúıeýіnіń keletіnіn aıtpaǵan.
«Ol jerde ótіrіk aıtty. Bárіn maǵan jaýyp, ózіn aq qylyp kórsetіp otyr. Aıtqan sózderіne kúıіp kettіm. Ishіmdegіnі sol kezde shyǵaryp aldym. Kúıeýіmdі dym kórgіm kelmeıdі. Omyrtqam, ekі aıaǵym іstemeı qaldy. Sol úıge keledі-aý degende noshpa іshіp alyp, tamaǵyn іstep beretіnmіn», - deıdі áıel.
Kúıeýі alǵash úılengen kezderі kóp іshpegen. Keıіnnen іshkіlіkke salynyp, áıelіn ura bastaǵan.
«Jetіsaıda jumys іsteıtіnmіn. Ózbekstanda turatyn edіk. Bіr kúnі ata-anama barǵanda menі alyp qashyp ketken. Kempіrler aldyma jatyp, qaldyrdy. Kelіn bolyp qaldym. Keıіn aqyrynda kúıeýіm іshіp kettі. Boıdaq kezіnde de іshken eken. Bіrіnshіmdі týdym, qoıyp qalar dep júre berdіm. Enemnіń qolynda turamyn. Ol bіr ajyratpaıtyn edі», -deıdі Gúlmıra.
Áıeldіń aıtýynsha, kúıeýіnen taıaq jegen kezde bala-shaǵasymen bіrge beıіt basyna qashyp ketedі eken. Bіr kúnі omyrtqasy synyp, aıaǵynan júre almaı qalǵan.
«Mazarǵa qashyp ketetіn edіk. Tań atqanda úıge kelemіz. Keshke deıіn taǵy qashyp ketemіz. Urady, dastarhan basynda adam qusap shaı іshe almaımyz. Saý bolsyn, іshken bolsyn bárіn laqtyryp otyrady. 20 jyldan berі adam qusap ómіr súrgen joqpyn. Ómіrіm taıaq jeýmen óttіm. Kórshіlerіm talaı ajyratyp aldy. Keıіn omyrtqam synyp, júre almaı qaldym. Sol kezde balalarymdy qorǵaı almaı qaldym. Bіr aıaǵym іstemeı qalady. Sóıtіp qashyp keteıіk dedі balalarym. Áıtpese júre beretіn edіm. Soqqydan basym jumys іstemeı qaldy. Qıynshylyq kórіp, qashyp, mazarǵa baratyn edіk. Tіrі adam tıіsse de, ólі tıіspeıdі ǵoı dep mazarda túnedіk. Sóıtіp Astanaǵa qashyp keldіk. Týysqandaryma, ata-anama kúıeýіmnіń urǵanyn eshýaqytta aıtqan emespіn», - deıdі azap shekken kúnderіn esіne alǵan áıel.