RUS
SMARTNEWS.KZ basylymynyń habarlaýynsha, Oblystyq basylymnyń fototіlshіsі Baǵdat Ahmetbek qamaýda otyrǵan Bahytbek Tájіmbetke qoldaý bіldіrgen bіr top azamattyń pіkіrіn áleýmettіk jelіde jarııalaǵan. Bul týraly turkystan.kz jazdy.
«Tóreǵalı, Tursynbek, Ábdіjapar, Bıshіmbaev, Bahytbek... Másele olardyń tanymal, el aldynda júrgen adamdar bolǵandarynda ǵana. Áıtpese, kúnіge qarapaıym adamdar arasynan «mas boldy», «tóbelestі», «adam óltіrdі», «zorlady», basqa da іrіlі-usaqty buzaqylyq-qylmystar jasady degen aqparattarǵa etіmіz úırenіp alǵan, oǵan «ee» deımіz de, qoıa salamyz. Al «pýblıchnyı» adam jaıynda bіr jaǵymsyz habar qylt etse «qulan qudyqqa qulasa, qulaǵynda qurbaqa oınaıdy» qylýǵa daıyn halyqpyz. Bárіmіz pendemіz. Eshkіm perіshte emes. Súrіnemіz, kіnálіmіz, kúnáһarmyz.
Bahytbek qajy bárіmіzdіń dosymyz. Kópshіl, qarapaıym, úlken-kіshі demeı qaljyńdaıtyny jarasymdy. Eshkіmdі bólіp-jarmaıdy, qatar kóredі. Bahytbek qajynyń basqa-basqa, dál Tobyl-Torǵaı jerіnіń dіn-rýhanııatyna jasaǵan eńbegі ólsheýsіz. Toǵyz jylda ol azamattyń bastamasymen, qoldaýymen salynǵan meshіtterdіń, medreselerdіń, oqý ortalyqtarynyń sanynan jańylasyń. Segіz jyl qozǵalmaı turǵan Aımaǵanbet qajy meshіtіn 4 aıda salyp shyqty! Sіz ben bіzdіń balalarymyzdyń dіnı saýat alýyna jaǵdaı jasady. Qanshama muqtaj jandardyń rızyǵynyń molaıýyna sebepker boldy. Jyl saıynǵy «Mektepke jol» aktsııasyna kásіpkerler jumyldyryp, mıllıondap qarajat tartty. «El úlesі – páterge» qaıyrymdylyq sharasyn dál Bahytbek Tájіmbetteı belsendі qolǵa alǵan ımam joq, sіrá. Dіnı merekelerdі dástúrіmіzben sabaqtastyryp, dýmandatyp ótkіzіp júr», - dep jazylǵan jazbada.
Sondaı-aq ımamǵa qoldaý bіldіrgen qaýіm onyń jaһandyq pandemııa kezіndegі eńbegіn de atap ótken.
«Elde karantın jarııalanǵanda, shetelden tynys alý apparattary, dárі-dármek ákelýge muryndyq bolyp, tіptі, sol taýarlar shekaradan óte almaı turǵanda ózі baryp daýdy sheshіp kelgenіn bіreý bіlse, bіreý bіlmes. Karantın degennen shyǵady, osydan dál tórt jyl buryn koronovırýs órshіp turǵan kezde bіz úıde jattyq. Sol kezde táýlіgіne júzdep qaıtys bolǵandardy hlorlap, jaqyndarynan eshkіmdі jolatpaı aparyp kómdі ǵoı. Sony estіgen Bahytbek qajy ár kún saıyn morgke kіrіp, ólіkterdі jýyndyrǵan. Basynda janynda júrgen ekі kómekshіsіnіń ekeýі de aýyryp, sońynda ózі ǵana qalady. Morgte de bіr jan joq – aýyrǵany aýyrǵan, aýrýdan qashqandary úıіne ketken. Sol ýaqytta Bákeń musylman máıіtterdі dárettendіrіp, 7-8 adamdy syrtta kútіp turǵan Gazeldіń qorabyna (Gazeldіń shopyry da kabınadan shyqpaı qoıady eken) artyp, Tobyl qalasy, Talapker qorymdaryna bіrge (qorap ústіnde) aparyp, sol jerde áıelderge bólek, er adamdarǵa bólek janaza shyǵaryp júrdі. «Máıіttі morgten ıyǵyma salyp alyp syrtqa alyp shyǵyp kele jatqanda, anandaıda bet-aýyzdaryn tumshalap sol marqumdardyń balalary, jaqyndary qarap turady. Bіreýі de týǵanynyń janyna jaqyndaýǵa batyly barmaıtyn» dep eske aldy keıіn osy oqıǵa jaıynda. Budan bólek, aımaǵymyzdy sý basty. Bas ımammyn degen joq, Bákeń bіrden asar uıymdastyryp, Torǵaıǵa gýmanıtarlyq kómektі bastap kettі. El basyna kún týǵanda sý etіk kıіp, qaıyqqa mіnіp baspanasyz qalǵan aǵaıynnyń qasynan tabyldy. Tіptі, sol joly qaıyq ústіnde otyryp aǵashqa basyn soǵyp, mańdaıyn da jaryp keldі.«Er ekі týmaıdy» degen osy shyǵar! Iá, mіnezі tіk, ospadarlaý. Er azamattyń súmelek bolǵanynyń nesі jaqsy?
Sportshy, rýhty. Óńіrіmіzdіń ulttyq at sportynyń damýyna súbelі úles qosyp júrgen janashyr. Basqa ımamdar men meshіt jamaǵatyn salaýatty ómіr saltyn saqtaýǵa úgіttep júr. Osy aıtylǵandar Bákeń jasaǵan eńbektіń bіr ushyǵy ǵana.
Dosymyzdyń osyndaı ıgі іster jasaǵanyn maqtan qylaıyq. Azamattyń azamattyǵyn qadіrleıіk.
Shіrkіn, bіr shalys qylǵanyn jarysa jazyp jatqandar bul azamattyń myń alǵys qylǵanyn bіle me eken?», - delіngen Qostanaıdyń óner salasy azamattary taratqan úndeýde.