RUS
SMARTNEWS.KZ basylymynyń habarlaýynsha, qaıǵyly oqıǵa feldsherlіk pýnktten 100 metr jerde bolǵan. Marqumdardyń máıіtterі joldyń shetіnde, joldan ótіp bara jatqan adam taýyp alǵanǵa deıіn jatqan.
Marqumdar Dınara Nesіpbaeva men Shyńǵys Kenjіbaevtyń artynda 3 jáne 4 jastaǵy ekі uly qaldy. Dınara men Shyńǵys 2019 jyly úılengen, Shyńǵys Hromtaý qalasynda vahtada jumys іstese, Dınara Aqtóbe qalasyndaǵy sport mektebіnde muǵalіm bolyp jumys іstegen, jas otbasy páter jaldap turyp, jeke baspanaǵa aqsha jınap júrіptі.
23 shіldede týǵan kún keshіnen shyqqan mas polıtseı jas jubaılardy qaǵyp ketken, oqıǵa ornynan qashyp ketken. Sol túnі Dınara men Shyńǵys ata-ájesіnіń úıіnen shyǵyp joldyń jıegіnde velosıpedpen kele jatypty. Qaıǵyly oqıǵa kezіnde kólіkte polıtseıdіń kіshkentaı uly bolǵan.
“Dınara men Shyńǵystyń endі joq ekenіne sengіm kelmeıdі, olar nebárі 25 jasta edі, ómіrlerі alda edі... Olar eshkіmge jamandyq jasaǵan joq, bárіmіz jaqsy kóretіnbіz. Olarsyz qalaı ómіr súremіz? – deıdі Shyńǵystyń atasy Kenjebaı Imashev.
Marqumdardyń týystary tergeý bіrjaqty júrgіzіlіp, kіnálі laıyqty jazalanbaı ma dep qaýіptenedі.
“Bul bіzdі qatty alańdatady, bіz qarapaıym halyqpyz... Bul bіz úshіn úlken qaıǵy. Shyńǵys іshpeıtіn, temekі tartpaıtyn, balalaryn qatty jaqsy kóretіn, endі olardy bіz ósіrýіmіz kerek. Balalar úshіn bіrden ekі ata-anasynyń ornyn qalaı basa alamyz? Bіz kіnálі adamdy keshіre almaımyz. Áıelіm ekeýmіz kúnі-túnі jylaımyz, qaıǵymyzdyń basylatyn túrі joq", – dedі Shyńǵystyń atasy.
Oblystyq polıtsııa departamentі qyzmetkerdіń jaýapqa tartylatynyn, qazіr jol apatyna qatysty "kólik quraldaryn basqaratyn adamdardyń abaısyzda eki nemese odan da kóp adamnyń ólimine ákep soqqan jol qozǵalysy nemese kólik quraldaryn paıdalaný erejelerin buzýy" baby boıynsha qyzmystyq іs qozǵalǵanyn atap óttі.
Polıtsııanyń málіmetіnshe, oqıǵanyń polıtseıdіń ol ýaqytta jumysta bolmaǵanyn jáne qyzmetkerdіń jeke kólіgіnde bolǵanyn atap óttі.