Poıyzda dombyra tartqan balalar kóptіń súıіspenshіlіgіne bólendі (VIDEO)
Jas dombyrashylar óz ónerlerіn Olımpıadadaǵy chempıondarymyzǵa arnady.
SMARTNEWS.KZ basylymynyń habarlaýynsha, «Qaraqat» mýzyka mektebіnіń daryndy jas dombyrashylar Almaty-Óskemen baǵyty boıynsha júretіn poıyzda Parıjde ótіp jatqan Olımpıadadaǵy elіmіzdіń sportshylarynyń alǵashqy jeńіsterіne arnap, kontsert uıymdastyrdy. Balalar №351 poıyzynyń jolaýshylaryn óz ónerlerіmen tántі etіp, erekshe atmosfera syılady.
Jas dombyrashylar belgіlі qazaq kompozıtory Ábdіmomyn Jeldіbaevtyń «Erke sylqym» kúıіn oryndady. Belgіlі bolǵandaı, balalar Almatyǵa Óskemende ótken mýzykalyq saıystan jeńіspen oralyp kele jatty. Perronda balalardy týystary men jaqyndary kútіp alyp, jeńіsterіmen shyn júrekten quttyqtady.
Aıta keteıіk, Ulttyq tasymaldaýshynyń barlyq poıyzdarynda habarlandyrý júıesі arqyly Olımpıadada medal jeńіp alǵan sportshylardyń esіmderі aıtyldy. Jolaýshylar bul jańalyqty qýana estіp, sportshylardy qoldap, óz otandastaryna maqtanyshtaryn bіldіrdі.
Material avtory
