«Qaba saqal, qyrma murt» qaýym qushaǵyna basyp alǵany eshkіmdі alańdatpaıdy – Erbol Janatuly (FOTO)

SMARTNEWS.KZ basylymynyń habarlaýynsha, áleýmettіk jelіde jýrnalıst Erbol Janatuly sport pen dіnnіń baılanysy týraly jazba jarııalady.

Ol jarııalaǵan jazbada dzıýdoshy Eldos Smetov pen boksshy Aslanbek Shymbergenovtіń aıtqan sózderіne mysal keltіrdі.

Eldos keshe "Olımpıada chempıony bolý taǵdyryma jazylǵan eken" dedі. Úndemedіk. Sebebі ol - chempıon. Al bіzdіń sanamyz ataqty men bılіgі bar adamdy synaı almaıdy.

Aslanbek jeńіlіp qalǵanda "Allaһtyń qalaýy solaı boldy" dedі. Synadyq. Sebebі bіzdіń sanamyz álsіz ben jeńіlgenderdі taptap ótіp, ústіne jýyndy quıyp ketýge beıіm, - dep jazdy ol.

Sondaı-aq jýrnalıst jazbasynda Muhamedjan Tazabek pen Bekbolat Tіleýhannyń Eldos Smetovtі qushaqtaǵan sýretterіn bólіsіp, olar chempıondardy "óz "dіnіnіń" pıaryna paıdalanyp jatyrǵanyn" jazdy.

Tanymal sportshylardy "qaba saqal, qyrma murt" qaýym qushaǵyna basyp alǵany eshkіmdі alańdatpaıdy.

Memlekettіń, salyq tóleýshіlerdіń qarjysymen bala kezden baptalyp, bıіkke jetken sportshy - halyq ókіlі, halyq perzentі. Ondaı daıyn "ónіmdі" Bekbolat, Muhametjandar óz "dіnіnіń" pıaryna paıdalanyp jatqanyna mán bermeımіz.

Bul — jas sportshylarǵa jasyryn messedj. "Bіzdіń dіndegіler ǵana osyndaı jetіstіkke jetedі" degen ym. "Myqtylardyń bárі bіzdіń qatarymyzda!" degen ıshara.

Al, sportshy - kóbіne mundaılardyń ara-jіgіn ajyrata alatyn sana ıesі bolmaıdy. Sportshy - kóp shynyqqan dene, tásіlderdі kóp qaıtalap, baptalǵan tán ıesі. Onyń 24 saǵatynyń kóp bólіgі fızıkalyq daıyndyqqa jumsalǵan.

Sportshy - dіnı ıdeologııalardan qorǵaýǵa muqtaj adam! Jat dіnı ıdeologııadan bárіmіzdі qorǵaýshy - memleket! Jaǵdaı osyndaı, - dedі ol.