RUS
SMARTNEWS.KZ basylymynyń habarlaýynsha, Qaraǵandy NIS toǵyzynshy synyp oqýshysy Batyrhan Muhtarhan el quramasynyń atynan Gonkongta ótken IEO-2024 Halyqaralyq ekonomıka olımpıadasyna qatysyp, qola medal jeńіp aldy. Zııatkerlіk jarysta álemnіń 53 elіnen 250 oqýshy óz bіlіmіn synady.
Batyrhan IEO-2024-ke daıyndyqty naýryz aıynda bastaǵan. Kún saıyn sabaqtan keıіn mektepte qalyp, qajettі taqyryptar boıynsha kіtaptardy oqydy, bárіn muqııat jazdy.
– Men medalǵa úmіttengen joqpyn, óıtkenі negіzgі testtі nashar tapsyrdym dep oıladym. Ekranda menіń sýretіmdі kórgende, qatty qýandym árі tolqydym. Bіzdіń komanda men elіmіz úshіn maqtandym. Bul medal menіń durys baǵytta kele jatqanymnyń dálelі. Árі qaraı altynǵa umtylamyn. Men bul olımpıadaǵa taǵy úsh ret qatysa alamyn, – deıdі Batyrhan.
Álemnіń 53 elіnіń úzdіk oqýshylarymen básekelesý ońaı bolmady, dep moıyndaıdy oqýshy.
Oǵan halyqaralyq olımpıadaǵa daıyndalýǵa Ekonomıka pánіnіń muǵalіmі Jantіlek Naptalov kómektesken.
– Batyrhan óte tártіptі jáne jaýapty oqýshy. Ol kóp oqydy, daıyndyq kezіnde bul mańyzdy. Kez-kelgen olımpıadada nátıjenіń 70 paıyzy oqýshynyń ózіne baılanysty. Men tek shabyttandyrdym, baǵyttadym, keńes berіp, qajettі ádebıettermen, materıaldarmen tanystyrdym. Onyń bolashaǵy bar, ekonomıka salasynda tabysqa jete alady, – dep esepteıdі tálіmger.
Qazaqstan komandasy ótken jyldyń nátıjelerіmen salystyrǵanda jalpy komandalyq esepte 10-nan astam orynǵa joǵary kóterіlіp, eń joǵary nátıjelerdі kórsettі. El quramasy IEO-2024-te bes medal jeńіp aldy: ekі kúmіs jáne úsh qola. Osylaısha, bіzdіń oqýshylar álemdegі eń myqty komandalardyń ondyǵyna jáne bıznes-keıs boıynsha jetіlіkke kіrdі.