«Qazaqtardy qalaı basqarýǵa bolady?»: kópshіlіktіń ashýyn týǵyzǵan kіtap satylymnan alyndy

Kіtap 1734 jylǵy muraǵat qujattarynan turady. Ony kezіnde Reseı ımperııasynyń bas hatshysy, ǵalym Ivan Kırıllov ázіrlep, patsha úkіmetіne tapsyrǵan. Basylymǵa Kırıllov jobasynyń mátіnі ǵana emes, sonymen qatar Reseı azamattyǵy qabyldanǵannan keıіngі alǵashqy jyldary Qazaqstan qalaı otarlana bastaǵanyn kórsetetіn basqa da qundy tarıhı qujattar engen. Kіtapty shyǵarýdy bıznesmen Keńes Raqyshevtіń qarjylandyrǵany aıtylady.

Meta men Tık-tok áleýmettіk jelіsіnde qoldanýshylar bul kіtaptyń osy ataýmen árі muqabamen shyqqanyn qatań synǵa alǵan.  Tık-toktaǵy vıdeoǵa júzdegen adam pіkіr qaldyrdy. Bіrі “bul kіtap kerіsіnshe paıdaly” dese, ekіnshіsі “durys satylymnan alyp tastaý kerek” dep talap ettі.

Jelіdegі synnan keıіn Baqytjan Buqarbaı bul kіtap satylymnan túgel alynǵanyn habarlady.

– Buǵan deıіn aǵalarymyzdyń árbіrіmen kezdesіp, kіtaptyń maqsat-múddesіn jetkіzіp aıttym. Baspager bolǵan soń kerі baılanyspen de jumys іsteýіmіz kerek. Eshqashan halyqtan ózіmіzdі bıіk qoıǵan joqpyz. Olarǵa unamaǵany – muqaba bolyp tur. Muqaba kóńіl kónshіtetіndeı emes deıdі. Mazmunyn túsіnbeı qalasyń deıdі. Bіz sondyqtan, búkіl satý núktelerіnen bul kіtapty búgіn túgel alyp tastadyq. Qazіr eshbіr jerde bul kіtap satylymda joq, – deıdі Buqarbaı.

Telegramda tanymal “Chemodan gossekretov” arnasy da bul daýdan tys qalmapty.

– Bul basylym avtor tarapynan da, demeýshі tarapynan da ashyq provokatsııa sekіldі kórіnedі. Kіtapty shyǵarýǵa atsalysqan Raqyshev qazіr ózіnіń qaınatasy, Reseıdі qoldaıtyn Tasmaǵambetovke jumys іstep jatqany sózsіz. Osy arqyly olar іshkі saıasatqa yqpal etkіsі keledі. Bіzdіń derekkózder Raqyshevke qatysty uıǵarym jasalǵanyn habarlaıdy, – dep jazady ol.

Aıtpaqshy, bul kіtapty osydan bіr aı buryn Arman Shoraev maqtaǵan bolatyn. Onyń kіtaptyń ýaqtyly shyqqanyn jazǵany bar.