RUS
SMARTNEWS.KZ basylymynyń habarlaýynsha, jýyrda Qýandyq Bıshіmbaev kolonııaǵa aýystyryldy. Qylmystyq-atqarý júıesі komıtetіnіń baspasóz qyzmetі ol kolonııada óndіrіske jumysqa turý arqyly qansha teńge taba alatynyn aıtyp berdі.
Vedomstvo ókіlderі sottalǵandardy mekemelerdіń óndіrіstіk ýchaskelerіne jumysqa ornalastyrý Eńbek kodeksіne sáıkes júzege asyrylatynyn túsіndіrdі. Sottalýshyny jumysqa qabyldaýǵa onyń jazbasha ótіnіshі negіz bolady.
Jazasyn óteýshіlerdіń eńbegі ekі formada – ýaqyt boıynsha jáne kelіsіmdі jalaqy túrіnde tólenedі.
"Sottalýshylarǵa ýaqyt boıynsha tólengen kezde eńbekaqy belgіlengen tarıftіk mólsherleme boıynsha nemese naqty jumys іstegen ýaqyty boıynsha eseptelіnedі. Kelіsіmdі jalaqy boıynsha ár oryndaǵan jumys nemese ár jasalǵan ónіm úshіn tólenedі", - delіngen habarda.
QAJ mekemelerіnde nemese kásіpkerlіk sýbektіlerіnde jumys іsteıtіn bіr sottalýshynyń ortasha jalaqysy 25 myń teńgeden 200 myń teńge aralyǵynda bolady.
Vedomstvo ókіlderі sottalýshylardyń jalaqysynan zańda belgіlengen mólsherde (eńbekaqy nemese ózge de kіrіstіń kemіnde 50 paıyzy) aı saıyn ustalatyn qosty. Shyǵyndy óteý tіkeleı sottalýshynyń tabysyna baılanysty. QAJK aqparatynsha, bul barlyq jazasyn ótep jatqan azamattarǵa qatysty qoldanylady.
Eske salsaq, buǵan deıіn Qýandyq Bıshіmbaev ýaqytsha ustaý ızolıatorynan qaýіpsіzdіgі barynsha joǵary mekemege aýystyrylǵan bolatyn.