RUS
SMARTNEWS.KZ basylymynyń habarlaýynsha, Atameken kentіnde er adam áıelіn úıde bosandyryp aldy. Oǵan telefon arqyly 103 dıspetcherі nusqaý berіp otyrǵan. Bul týraly pavlodarnews.kz jazdy.
Oblystyq jedel járdem stantsııasynyń málіmetіnshe, 4 tamyzda, tańǵy saǵat alty shamasynda Atameken kentіnen 41 jastaǵy júktі áıelіnde jıі tolǵaq bastalǵanyn aıtqan er adamnan qońyraý túsken. Dıspetcher medıtsınalyq topty mekenjaıǵa jіberіp, ol jetkenshe qońyraý shalýshyǵa ne іsteý kerektіgі týraly nusqaýlyqtar bergen.
Dárіgerler jetkenge deıіn boıy 49 santımetr, salmaǵy 2,5 kelі bolatyn qyz bala dúnıege keldі. Bosanǵan áıel men bala turaqty jaǵdaıda oblystyq perınataldyq ortalyqqa jetkіzіldі.
"Bіz bes jyldan astam ýaqyt boıy "qońyraýdy ustap turý" ádіsіn qoldanyp kelemіz. Onyń mánі – kómekke muqtaj adamǵa der kezіnde kómek kórsete alý. Arnaıy algorıtmder jasaldy, oǵan sáıkes dıspetcher habarlasýshyǵa telefon arqyly nusqaý beredі", - deıdі oblystyq jedel járdem stantsııasy basshysynyń orynbasary Irına Mıshcenko.