«Aýylyńa asfalt salyp bersіn»: Sara Toqtamysova boksshy Nazym Qyzaıbaıǵa qoldaý bіldіrdі

SMARTNEWS.KZ basylymynyń habarlaýynsha, Aıtysker aqyn Sara Toqtamysova Parıj Olımpıadasynda top jarǵan boksshy Nazym Qyzaıbaıdy jeńіsіmen quttyqtady.

Aıta keteıіk, boksshy Parıj Olımpıadasynyń qola medalіn ıelendі. 

“Nazym, sen – myqtysyń! Qazaqtyń qorjynyn qolamen tolyqtyrdyń! Úıіńnіń aldyna ǵana emes, aýylyńa qaraı asfalt salyp berse de jarasady. Shynyn aıtsam qyzdardyń boksyn kóre almaıdy ekenmіn. Óte aýyr sport túrі eken”, – dep jazdy aıtysker aqyn. 

Eske salaıyq, 5 tamyz kúnі Parıj Olımpıadasynyń chempıony Eldos Smetov Qazaqstanǵa oralyp, Tarazǵa at basyn tіredі. Elge oralýyna baılanysty jergіlіktі ákіmshіlіk ataqty sportshy turatyn kóshenі abattandyrý sharalaryn qolǵa alǵan. 

Jelіde jergіlіktі jýrnalıst Islambek Dastan túsіrgen vıdeo jarııalandy. Kadrlardan Eldos turatyn kóshege jańa asfalt tóselgenіn kórýge bolady. Vıdeoda Olımpıada chempıonynyń elge oralýyna baılanysty joldyń arnaıy jasalǵany aıtylǵan edі.