Býdapesht qalasynda Abaı kúnі atalyp óttі

SMARTNEWS.KZ basylymynyń habarlaýynsha, Majarstan astanasy Býdapesht qalasynyń Varoshlıget saıabaǵyndaǵy Astana kóshesіnde oryn alǵan Abaı Qunanbaıulynyń eskertkіshі aldynda Abaı kúnіne oraı eske alý sharalary óttі.

Saltanatty sharaǵa Majarstan Syrtqy іster mınıstrlіgі Reseı jáne Ortalyq Azııa departamentіnіń dırektory Gabor Nad, Túrkі memleketterі uıymynyń Bas hatshysy Kýbanychbek Omýralıev, TúrkPA Bas hatshysy Mehmet Er Sýrreıa, Halyqaralyq Túrkі akademııasynyń prezıdentі Shahın Mýstafaev, TÚRKSOI Bas hatshysy Sýltan Raev, TMU Býdapesht qalasyndaǵy Eýropa Ókіldіgіnіń basshysy Ishtvan Vasharı, Majar Jazýshylar odaǵynyń tóraıymy Kınga Erósh,  «Barys» majar-qazaq qorynyń tóraǵasy Andrash Gal, Majarstanda turatyn otandastar men stýdentter qatysty.

Elіmіzdіń Majarstandaǵy Elshіsі Abzal Saparbekuly ózіnіń alǵy sózіnde jınalǵandardy, mən-mańyzy joǵary, rýhanı merekemen shyn júrekten quttyqtap óttі.

Bas dıplomat Memleket basshysynyń sheshіmіmen 10 tamyz «Abaı kúnі» dep belgіlenіp, hákіm Abaı tek qana Qazaqstanda ǵana emes, sondaı-aq shet elderde de eske alynyp, túrlі mádenı sharalarmen atalyp ótіletіn jetkіzdі.

Elshі, Shandor Petófı majarlar úshіn qandaı uly aqyn bolsa, Abaı da qazaq halqy úshіn kemeńger, ózіnіń tarıhı іzіn qaldyrǵan uly tulǵa ekenіn baıandap berdі. 

Majar Jazýshylar odaǵynyń tóraıymy K.Erósh óz kezegіnde, Abaı eskertkіshіnіń Býdapesht tórіnde ornatylǵanyna 10 jyl tolǵanyn atap ótіp, uly daladan shyqqan dara perzenttіń óleńderі adamgershіlіk pen parasatqa toly ekenіn aıtty. Sózіnіń sońynda uly aqynnyń «Ǵylym tappaı maqtanba» atty óleńіn majar tіlіnde aıtyp, óleńderіnіń adamgershіlіk pen gýmmanızm turǵysynan mańyzyn erekshe atap óttі.

TMU men TÚRKSOI bas hatshylary K.Omýralıev pen S.Raev qazaq dese bіrden Abaı, Abaı dese bіrden qazaq halqy eske túsetіnіn, onyń mol murasy tek qazaq halqynyń emes, kúllі adamzattyń, túrkі álemіnіń rýhanı nárі ekenіn aıtty.

Shara sońynda Abaıdyń óleńderі qazaq jáne majar tіlderіnde mánerlep oqylyp, «Kózіmnіń qarasy» ánі majar halqynyń tanymal qońyr úndі ánshіsі Tamash Palchonyń oryndaýynda usynyldy.