RUS
SMARTNEWS.KZ basylymynyń habarlaýynsha, 9 tamyzda keshke Pavlodarda jarnamalyq rolıkte bıіk ókshemen bı bılegen Aman Áýbákіrovtіń úıіne polıtsııa bardy. Bul jónіnde Vlast saıty jazdy. Bıshіnіń sózіnshe, polıtseıler odan jynysyn suraǵan.
Polıtseıler jergіlіktі pablıkte jarııalanǵan vıdeonyń astyna jazylǵan "terіs pіkіrlerge" reaktsııa bіldіrgen. Áýbákіrovtіń sózіnshe, polıtseıler oǵan túsіnіkteme jazǵyzyp, kelesі aptada "profılaktıkalyq áńgіmege" shaqyrǵan.
"Vıdeo pablıkte jarııalanyp, oǵan "bul jaqsy jarnama emes jáne bul LGBT-ny tіke nasıhattaý" degen mazmunda kóp kommentarıı jazylǵan. Sol sebeptі polıtsııa muny eleýsіz qaldyra almaǵan sııaqty" dep jazdy Áýbákіrov áleýmettіk jelіde.
Pavlodardaǵy Tauan qory Áýbákіrovke advokat tapqanyn habarlady. Qor ókіlderі Adam quqyǵyn qorǵaý bıýrosymen bіrge Áýbákіrovke zańgerlіk kómek kórsetetіnіn aıtty.
Tauan ókіlі Evgenıı Habarov Azattyqqa polıtseıler Áýbákіrovke "qoǵamdyq tártіptі buzdy" degen aıyp taǵaıyn dep otyrǵanyn aıtty. Habarovtyń sózіnshe, áýelі bıshіge ýchaskelіk ınspektor habarlasqan, іzіnshe bı stýdııasyna ekі polıtseı kelіp, "LGBT-ny nasıhattaý maqsatynda vıdeo túsіrіlmedі" dep túsіnіkteme jazyp berýdі talap etken.
Qazaqstan zańnamasynda azamattardyń qandaı kıіm kııý kerektіgі nemese bı bıleýі kerektіgі jónіnde norma joq.
Jýyrda mádenıet mınıstrlіgі "LGBT-ny nasıhattaýǵa tyıym salýǵa" shaqyratyn petıtsııany іshіnara qoldaǵan jáne mınıstrlіktіń jartylaı maquldaýy qazaqstandyqtardy syrtqy kıіmіne oraı jaýapqa tartýdy qarastyrmaıdy dep jazdy basylym.
Pavlodar polıtsııasy ázіrge túsіnіkteme bermegen.