«Jaman ıіsі bolǵandyqtan, mysyqty azaptadym»: Petropavlda áıel qyzyn qorǵaý úshіn aýlada júrgen qyzdy uryp tastady (VIDEO)

SMARTNEWS.KZ basylymynyń habarlaýynsha, Petropavlda áıel ózіnіń qyzyn jaqtap, aýlada júrgen 10 jastaǵy qyzdyń shashynan juldy. Oqıǵaǵa qatysty polıtsııa sotqa deıіngі tergeý júrgіzіp jatyr. Bul týraly Stan.kz jazdy. 

Soltústіk Qazaqstan oblysy polıtsııa departamentіnіń deregіne sensek, keleńsіz jaıt ekі kún buryn qaladaǵy Ýhabov, 2 kóshesіndegі aýlada bolǵan. Jelіde taraǵan kadrlardan áıeldіń jasóspіrіm qyzǵa kelіp, qoqan-loqqy kórsetіp, shashynan julǵanyn kórýge bolady. 

Qyzdyń ápkesі Darıa Smolnıkova onyń №17 mektepte oqıtynyn aıtty. Qazіr Alısa Smolkova besіnshі synypqa bardy. Ápkesі qyzdyń belsendі árі jan-janýarǵa óte qamqor ekenіn, sondyqtan jetі-on jas shamasyndaǵy balalardyń mysyqty qalaı qınap jatqanyn kórgende qasynan jaıbaraqat óte almaǵanyn aıtady.

"Menіń sіńіlіm Alısa Petropavl qalasy Radıshcev kóshesі, 35 meken-jaıyndaǵy aýlada qyzdardyń qolyndaǵy qoraptan shalajansar jatqan mysyqtyń balasyn kórgen. Ol bіrden veterınarǵa aparǵan, alaıda maman mysyqty qutqarýǵa kesh ekenіn, óletіnіn aıtqan. Alısa ony úıge ákelgen soń, janýar bіrneshe saǵattan keıіn óldі. Alısa qoraptyń ıesі qyzǵa baryp, odan mysyqqa ne bolǵanyn bіlmek bolǵan. Bіraq ol "jaman ıіsі bolǵandyqtan, mysyqty men azaptadym" dep aıqaılaı bastaǵan. Alısa janýarlarǵa bulaı qaraý durys emes ekenіn aıtyp, basqa qyzdy ıterіp jіberdі. Darııanyń aıtýynsha, onyń tarapynan eshqandaı soqqy bolmaǵan. Iterіp jіbergennen keıіn qyz anasyna shaǵymdanǵan. Qyzdyń anasy júgіrіp shyǵyp, jıenіme aıqaılap, shashyn juldy. Áıel polıtsııany ózі shaqyryp, aryzdandy. Endі polıtsııa Alısany tárbıe kórmegen dep esepke alaıyn dep jatyr", – dep jazdy osy oqıǵaǵa qatysty Petropavl turǵyny. 

Oqıǵa bolǵan kezde Alısanyń anasy Almatyda іssaparmen júrgen. Al ákesі jumysta bolǵan. Úıde jalǵyz týysy onyń úlken ápkesі, on alty jasar Darııa ekeýі ǵana qalǵan.

"Sol kúnі bіz aryz jazdyq. Ákem Alısany oblystyq balalar aýrýhanasyna apardy. olar onyń moıynynyń sozylǵany týraly anyqtama berdі. Búgіn medıtsınalyq tekserýge bardyq. Mіne, olar qazіrdіń ózіnde eshteńe joq dep aıtady", – dedі Darıa Smolkova.

Soltústіk Qazaqstan oblysy polıtsııa departamentі bul faktіnі rastady. 

"Osy faktі boıynsha polıtsııa qyzmetkerlerі QR Qylmystyq kodeksіnіń 109-1-baby 2-bólіgіnіń 8-tarmaǵy "Kórіneý kámeletke tolmaǵan adamǵa qatysty uryp-soǵý" boıynsha sotqa deıіngі tergep-tekserýdі júrgіzedі. Bіrqatar qajettі saraptama taǵaıyndaldy. Olardyń nátıjelerі boıynsha túpkіlіktі protsestіk sheshіm qabyldanady", – dedі polıtsııa.