RUS
SMARTNEWS.KZ basylymynyń habarlaýynsha, kúıeýіmen ajyrasyp ata-anasynyń úıіne qaıtyp kelgen jas kelіnshek aǵalarynyń qorlap jatqanyn aıtyp, jylady. Bul týraly KYN.KZ jazdy.
Bul týraly vıdeony zańger Lázzat Raqysheva ózіnіń paraqshasynda bólіstі. Kelіnshektіń aıtýynsha, ajyrasyp kelgen ony aǵalary úıge kіrgіzbeı jatyr eken.
«Qazіr áke-sheshemnіń úıіndemіn. Anam qansha jerden qoldaǵanymen, aǵalarym úıge kіrgіzbeı jatyr. «Keshke deıіn úıdі bosat, kózіme kórіnbeńder» dep jatyr. Sіzder halyq bolyp menі qoldap jatyrsyzdar.
Al menі týǵan-týysqandarym menі qoldamaıdy. Men úshіn óte aýyr. Aǵalarymdy túsіne almaımyn. Ózderі qatyndaryn urady. «Ólgenіń jaqsy edі, qaıtyp kelіp pozor qylǵansha» deıdі. Jaqyn adamnyń qoldaýy joq bolǵany maǵan qıyn», - deıdі vıdeoda jylap turyp kelіnshek.
Jelі qoldanýshylary jas kelіnshekke jubatý aıtyp, qamqorlyǵyna almaǵan aǵalaryn sóktі.
«Janym, qaıtyp kelgenіń úshіn saǵan pozor emes, senі qorǵaı almaǵan qoldaı almaǵan aǵalaryńa pozor. Osyndaı qarańǵylyqtan, pasyqtyqtan qashan qutylady ekenbіz qaıran qazaǵym. Anasy qoldasa da tyńdamaǵan», «Anasy qoldasa da tyńdamaǵanyna qaraǵanda bul otbasynda áıeldі adam qurly kórmeıdі ǵoı», «Bul otbasyda meıіrіm, shapaǵat joq. Qaryndasyn qorǵaı almaǵan aǵa - aǵa emes», «Mundaı aǵalarynyń barynan joǵy jaqsy deısіń ǵoı»,- dep jazdy olar.