RUS
SMARTNEWS.KZ basylymynyń habarlaýynsha, Ulytaý oblysynyń Mádenıet, tіlderdі damytý jáne arhıv іsі basqarmasynyń basshysy sottaldy.
Antıkor málіmetіnshe, Jezqazǵan qalalyq soty oblystyń Mádenıet, tіlderdі damytý jáne arhıv іsі basqarmasynyń basshysy Á.S. Omarǵa qatysty úkіm shyǵardy.
Ol murajaı mamandary men basqa da ǵalymdardyń maqalalar jınaǵyn shyǵarý boıynsha oryndalmaǵan jumystary úshіn zańsyz aýdarý arqyly 2,3 mln teńge somasynda bıýdjet qarajatyn jymqyrǵany úshіn kіnálі dep tanyldy.
Omar buryn Jezqazǵan qalalyq sotynyń 2024 jylǵy 12 naýryzdaǵy úkіmіmen para alǵany úshіn 6 jylǵa bas bostandyǵynan aıyrylǵandyqtan, Qazaqstan Respýblıkasynyń Qylmystyq kodeksіnіń 58-babynyń 3,6 bólіkterіne sáıkes, qylmystyq quqyq buzýshylyqtardyń jıyntyǵy boıynsha taǵaıyndalǵan jazanyń ótelmegen bólіgіn іshіnara qosý arqyly Á.Omarǵa memlekettіk qyzmette qyzmet atqarý quqyǵynan ómіr boıyna aıyra otyryp, 6 jyl 6 aı merzіmge bas bostandyǵynan aıyrý túpkіlіktі jazasy taǵaıyndaldy, - delіngen málіmette.
Ánýar Omarov kezіnde aıtysker retіnde kópshіlіkke keńіnen tanylǵan. Ol keıіngі jyldary memlekettіk qyzmetke aýysyp, Ulytaý aýdanynyń ákіmі bolyp ekі ret taǵaıyndalǵan. Keıіn Sátbaev qalasynyń ákіmі bolyp, Ulytaý oblysy jańadan qurylǵan soń basqarma basshysy laýazymyna qyzmetke kіrіstі.