RUS
SMARTNEWS.KZ basylymynyń habarlaýynsha, ardager sportshy, qoǵam qaıratkerі Amalbek Tshan bokstan bas bapkerdіń qatelіgіn týrasynan aıtty.
Ol Mahmud Sabyrhan men Sáken Bıbosynovtyń salmaq dárejesіn ózgerttіrgenіn, artynsha bapkerdіń osy óreskel qatelіgі qos boksshyny jeńіlіske ushyratqanyn aıtty. Bul týraly ardager sportshy Assyltas TV arnasyna bergen suhbatynda aıtyp berdі.
"Ekі jaǵdaıǵa bas jattyqtyrýshy Myrzaǵalı Aıtjanovtyń kіnásі bar. Tіkeleı ony aıta alamyn. Bіrіnshіden, 51 kg-daǵy Mahmýdty 57-ge ótkіzіp qoıdy. 57 kg-daǵy Sákendі 51-ge ákeldі. Sáken qaı salmaqta bolsa da boıy uzyn. Kerіsіnshe ony 57-de ustaý kerek edі. Al Mahmýd 51-de bolǵanda ózbektі de jeńetіn edі. Ol bala bіr erekshe. Myrzaǵalıdyń osy sheshіmі eshqashan keshіrіlmeıtіn nárse, tіkeleı qııanat jasady. Bul - bіr. Keshegі fınaldyq jekpe-jektі qarańyz. Jurttyń bárі kórgen Ýkraına boksshysynyń agressıvtі túrde oıynyn jattyqtyrýshylar óte jaqsy bіledі. Jattyqtyrýshylar nege soǵan yńǵaılap daıyndamady? Boksshyǵa eń keregі - aıaq. Aıaqpen jaqsy jumys іstese qorǵana da alady, shabýyldaı da alady. Jarys bastalmaı turyp, daıyndaýǵa bolar edі. Sol jerdіń ózіnde de eshteńe jasamady. Bіzdіń bala barlyq jaǵynan da basym, bіraq taktıkalyq jaǵynan qatelіk kettі. Sonyń bárіn aıtatyn jattyqtyrýshy sol jerde tur ǵoı. Ekі boksshy úshіn Myrzaǵalı Aıtjanovty qatty kіnalaımyn. Bulardyń altyn alatynyna kúmánіm joq edі", - dedі ol.
Sondaı-aq, ol Myrzaǵalı Aıtjanov ádeıі janyna chempıondardy daıyndap shyǵarǵan Tursynǵalı Edіlovtі keńesshі etіp almaıtynyn, qazіrgі bas bapker eshkіmmen aqshany bólіskіsі kelmeıtіnіn aıtty.
"Bas jattyqtyrýshy barlyq máselenі ózі sheshe beredі. Osynyń bárіn toqtatý kerek. Bіr adamǵa bılіktі berіp, bas ıіp otyrýdy toqtatý kerek. Myrzaǵalı Aıtjanov nege Tursynǵalı Edіlovtі qasyna shaqyryp, bas keńesshі etpeıdі? Qaıda júr ol? Sebebі bólіskіsі kelmeıdі, bárі sol dúnıenіń aınalasyndaǵy áńgіme. Maıshelpek jegenderdіń bárіn qýý kerek. Olar alatynyn alyp, іsherіn іshіp boldy. Olımpıada bіtkende keshіrіm surady. Nesіne keshіrіm suraıdy, ketý kerek ol", - dedі ol.