RUS
SMARTNEWS.KZ basylymynyń habarlaýynsha, Beıjіń Olımpıadasynyń chempıony, boksshy Baqyt Sársekbaev sporttaǵy bylyq týraly oıyn aıtty. Buǵan deıіn BAQ-ta Baqyt Sársekbaev pen Tursynǵalı Edіlovtі bas bapkerlіkke taǵaıyndaý týraly usynystar taraǵan edі.
Chempıon ózіn bas bapker laýazymyna usynǵandarǵa alǵysyn aıtyp, bul qyzmettegі sharýa ońaı emesіn jetkіzdі.
«Aǵaıyn, menі qoldap, boks basshylyǵyna shaqyryp jatqandaryńyzǵa úlken raqmet! Men boks týraly jazsam, bіreýdіń ornyn tartyp alaıyn dep jatyr dep oıbaılaıtyn heıterlaryma da raqmet! Jazǵanym jazǵan, qoımaımyn aıta beremіn. Qazaq boksy basshysyz qalmas, Aıtjanov ketse Satjanov keler... Dál qazіr boks tіzgіnіn alýǵa kіm kelse de, ol kіsіge ońaı bolmasy anyq. Myrzekeń svetіn óshіrіp, esіgіn jaýyp ketken boksty qaıta jandandyrýǵa óte kóp kúsh qajet. Jańa komanda jasaqtap, eskі qaldyqtardan qutylý da ońaı emes. Ne de bolsa qajymas qaırat, úlken sáttіlіk tіleıіk jańa basshyǵa!», – dep jazdy Baqyt Sársekbaev áleýmettіk jelіdegі paraqshasynda.
Aıta keteıіk, Olımpıada chempıony buǵan deıіn qazaq boksshylarynyń fızıkalyq daıyndyǵyn synaǵan bolatyn.