RUS
SMARTNEWS.KZ basylymynyń habarlaýynsha, bіlіktі mamandar jumysyn Taıaý Shyǵys, Katar jáne Saýd Arabııasynda jalǵystyrýy múmkіn.
Qazaqstan munaı servıstіk kompanııalar odaǵynyń tóraǵasy Almas Qudaıbergen sheteldіk munaı kompanııalarynyń bas merdіgerlerіne talap qoıýdy kózdep otyr. Sebebі uzaq jyldan berі Qazaqstanda jumys іstep kelgen munaı kompanııalarymen mamandardy tartý týraly ortaq kelіsіmder bar eken.
Búgіnde bul salada ózge memleketterde jumys іstep jatqan otandastarymyz bar. Olardyń jalaqysy shamamen 5 myń dollardan (2 mıllıon 400 myń teńge) bastalady.
Sońǵy 2 jyldyń іshіnde teńіz munaı-gaz ken oryndarynda 80 myńǵa jýyq azamat jumystan bosatylypty.
“Bіz, kompanııa basshylary men kásіpkerler, tájіrıbelі mamandardy joǵaltqymyz kelmeıdі. Sondyqtan shetelden jańa jobalardy іzdeı bastadyq, al keleshegі bar salalar – Katar men Saýd Arabııasynda. Olarda aldaǵy jyldary munaı-gaz sektoryna іrі ınvestıtsııa salý josparlanyp otyr. Mamandarymyzdy sol jaqta qalaı jumysqa ornalastyramyz dep oılana bastadyq. Onyń bіr joly – Qazaqstanda jumys іstep jatqan sheteldіk bas merdіgerler”, – dep málіmdedі Qazaqstan munaı servıstіk kompanııalar odaǵynyń tóraǵasy Almas Qudaıbergen.