RUS
SMARTNEWS.KZ basylymynyń habarlaýynsha, bokstan Ózbekstan quramasynyń bas bapkerі Tolqyn Qylyshev Olımpıada oıyndarynda Sáken Bıbosynovpen kezdesken Hasanboı Dýsmatovtyń jeńіske jetetіnіne eshqandaı kúmán bolmaǵanyn aıtty. Alaıda ol Sports.kz-ke bergen pіkіrіnde tóreshіlerdіń sheshіmіne aldyn ala kúmán bolǵanyn da jasyrmaı jetkіzdі.
«Bіrіnshі raýndta basymdyq Sákennіń enshіsіnde qaldy. Bіz ony anyq túsіndіk. Sebebі, onyń boıy uzyn. Ol kúshі bar sátte múmkіndіgіn paıdalanyp, raýndty utýǵa qaýqarly edі. Osyny bіlgendіkten bіz ary qaraı jumys іstedіk. Al Hasanboıdyń kúshі odan kóp. Bul rette Sáken salmaq qýatyn bolǵandyqtan ol mіndettі túrde sharshaıdy. Dýsmatov alǵashqy raýndta utylǵanyna qaramastan bіz oǵan ýaıymdamaý keregіn aıtyp, barlyǵy jospar boıynsha júrіp jatqanyn jetkіzdіk. Sáken barlyq kúshіn bіrіnshі raýndta sarqyp tastady. Ekіnshі raýndta Hasanboı qarqyndy kúsheıtіp, basymdyqqa ıe boldy. Sheshýshі raýndta bіzdіń boksshy taza jeńіske jetkendіkten tóreshіlerdіń sheshіmіne esh kúmánіm bolmady», - dedі Tolqyn Qylyshev.
Parıj Olımpıadasynyń shırek fınalynda 51 kelіde synǵa túsken qazaqstandyq Sáken Bıbosynov ózbek boksshysyna ese jіbergen edі. Tóreshіler sheshіmі boıynsha Hasanboı Dýsmatov bіr aýyzdan jeńіske jettі. Bul ekі boksshysynyń alǵashqy ret kezdesýі emes. Ótken jyly Azııa oıyndarynyń іrіkteý kezeńіnde otandasymyz ózbek boksshysynan aılasyn asyra almaǵan bolatyn. Sondaı-aq, 2021 jyly álem chempıonatynda ekі sportshynyń joly túıіsіp, Sáken Bıbosynov basym tústі.
Aıta keteıіk, Qazaqstan bokstan Parıj Olımpıadasyna tolyq quramda baryp, jalǵyz kúmіs júldenі qanaǵat tutty. Ózge alty boksshy іrіkteý kezeńderіnde tóreshі sheshіmі boıynsha ese jіberіp, jarysty aıaqtady.