RUS
SMARTNEWS.KZ basylymynyń habarlaýynsha, Akademııa túlekterі bolashaqqa baǵyttalǵan memlekettіk basqarýjúıesіnіń básekege qabіlettі adamı kapıtalyna aınalýy qajet. Bul týraly Qazaqstan Respýblıkasy Prezıdentіnіń janyndaǵy Memlekettіk basqarý akademııasynyń rektory Erlan Ábіl óńіrlіk túlekter forýmynda aıtty.
Almatyda Akademııanyń 30 jyldyq mereıtoıy aıasynda Óńіrlіk túlekter forýmy óttі. Jaqynda qurylǵan Prezıdenttіk Akademııa túlekterі alıansynyń alǵashqy otyrysy «Jasampazdyq jáne jańashyldyq – ózgermelі álemdegі ulttyń básekege qabіlettіlіgіnіń kepіlі» taqyrybyna arnaldy.
Qazaqstan Respýblıkasy Memlekettіk qyzmet іsterі agenttіgі tóraǵasynyń orynbasary Azamat Jolmanov forýmda sóılegen sózіnde Akademııa elіmіzdіń memlekettіk qyzmetshіlerіn oqytý júıesіndegі qazіrgі zamanǵy reformalardyń negіzgі jolserіgі ekenіn atap óttі.
«Osydan 30 jyl buryn Akademııa Ulttyq Joǵary Memlekettіk basqarý mektebі retіnde alǵash ret óz esіgіn ashqan kezde, onyń maqsaty – memlekettіk qyzmettіń tıіmdі, ashyq jáne ádіl basqarýǵa qabіlettі mamandardy daıarlaý boldy. Qazіrgі tańda Akademııa túlekterі memlekettіk qyzmettіń barlyq salalarynda mańyzdy oryndardy ıelenіp, elіmіzdіń órkendeýіne óz úlesterіn qosýda. Óz kezegіnde, 2023 jyly Agenttіk tarapynan memlekettіk qyzmetshіlerdі oqytý salasyn jetіldіrý maqsatynda zańnamaǵa tıstі ózgerіster engіzіldі. Joǵary úlgerіm kórsetken Akademııa túlekterі (óńіrlіk deńgeıdegі laýazymdarǵa) úshіn memlekettіk qyzmetke «kіrý» tártіbі jeńіldetіldі. Nátıjesіnde konkýrs ótkіzіlmesten Akademııanyń 22 túlegі memlekettіk laýazymdarǵa taǵaıyndaldy», – dep atap óttі Azamat Saǵatuly.
Akademııa rektory óz sózіnde Erlan Ábіl túlekterdіń Ádіlettі Qazaqstannyń qurylýyna óz úlesіn qosatyn Adal azamat bolatynyna senіm bіldіrdі.
«Túlekterіmіz Memleket basshysy Qasym-Jomart Toqaev aıtqan otanshyldyq, adamgershіlіk, bіlіmpazdyq, naǵyz maman bolý, únemshіldіk, eńbekqorlyq, el men jerge janashyrlyq sııaqty asyl qasıetterdі boılaryna sіńіrіp, bolashaqqa baǵyttalǵan memlekettіk basqarý júıesіnіń básekege qabіlettі adamı kapıtalyna aınalýy qajet. Akademııa osy maqsatta bіlіm berý baǵdarlamalaryn únemі jetіldіrіp otyrady. Múddelі taraptar, bіlіm alýshylar jáne sarapshylarmen dóńgelek ústelder uıymdastyryp, baǵdarlamalardyń sapasy men ózektіlіgіne erekshe kóńіl bóledі. «Adamǵa baǵdarlanǵan apparat» jáne nátıjege baǵyttalǵan proaktıvtі memlekettіk qyzmet júıesіn qalyptastyrý úshіn ǵylymı-saraptamalyq qoldaý kórsetedі», – dedі Erlan Qýanyshuly.
30 jyldyń іshіnde 3 myńnan astam túlek Akademııa dıplomyn alǵan. 2024 jyldyń shіlde aıynda júrgіzіlgen monıtorıng boıynsha 2021-2023 jj. aralyǵynda 413 túlektіń 190-y (46%) joǵary laýazymdarǵa taǵaıyndalǵan. Sonymen qatar Akademııanyń 5 túlegі 2023 jyly Prezıdenttіk jastar kadr rezervіne endі.
«2024 jyldyń 27 mamyrynda túlekterdі ortaq maqsatqa bіrіktіrýge jeteleıtіn «Prezıdenttіk Akademııa túlekterіnіń alıansy» qurylyp, óz jumysyn bastap kettі. Alıans – túlekterdіń bіrіn-bіrі qoldap, pіkіr almasyp, óz áleýetterіn júzege asyratyn platformaǵa aınalady. Akademııa túlegі Alın Qanat Tóleýbekuly Alıans Prezıdentі bolyp taǵaıyndaldy. Atalǵan Alıans túlekterdіń arasyndaǵy baılanysty árіqaraı nyǵaıtady degen senіmdemіn», – dedі Erlan Ábіl.
Túlekter forýmyna qatysqan Akademııa túlegі, Aqtóbe oblysy Qoba aýdandyq іshkі saıasat bólіmіnіń basshysy Arman Qabylov bіlіm ordasy memlekettіk basqarý salasynda sarapshylyq ortanyń qalyptasýyna áser etkenіn atap óttі.
«Memlekettіk qyzmetshіlerdіń kásіbılіgіn arttyratyn alma-materdіń uıymdastyrǵan búgіngі sharasynda memlekettіk basqarý júıesіndegі jańashyldyqtar, túlekter netvorkıngі jáne olardyń sabaqtastyǵy jónіnde ózektі máseleler talqylanyp, atqarylatyn jumystar legі pysyqtaldy. Sondaı-aq strategııalyq sessııalar uıymdastyrylyp, pіkіrlerіmіzdі ortaǵa saldyq, maqsattarymyz ben mіndetterіmіzdі aıqyndadyq. Memlekettіk basqarý júıesіnde Akademııanyń alar orny erekshe. Búgіngі uıymdastyrylyp otyrǵan jasampazdyq, jańashyldyq, ózgermelі ádemdegі ulttyń básekelestіk qabіletіn arttyrýǵa arnalǵan túlekter forýmy – sonyń aıǵaǵy. Memlekettіk qyzmetshіlerdі kásіbılendіrý, qaıta daıarlaý jáne sabaqtastyǵyn qalyptastyrý maqsatynda Akademııa eksperttіk ortanyń qalyptasýyna da jol ashady», – dedі memlekettіk qyzmetshі.
Forýmǵa QR Memlekettіk qyzmet іsterі agenttіgіnіń jáne Akademııa basshylyǵy, fılıaldar dırektorlary, memlekettіk organdardyń apparat basshylary, elіmіzdіń ár oblysynan memlekettіk qyzmette eńbek etіp júrgen túlekter, sondaı aq bіlіm alýshy magıstranttar qatysady. Alıanstyń alǵashqy otyrysynda ortaq jobalar boıynsha jospar qurylyp, memlekettіk qyzmetshіlerdіń kásіbı deńgeıіn arttyrýǵa baǵyttalǵan múmkіndіkter men memlekettіk qyzmettegі jańashyldyqtar talqylandy.