RUS
SMARTNEWS.KZ basylymynyń habarlaýynsha, eń jas jáne kreatıvtі mobılograf Prezıdenttіń jeke mobılografy bolýy múmkіndіgіn alady. Tanymal mobılograf, rejısser Qyran Talapbek ózіnіń Instagram paraqshasynda jarııalady. Bul týraly Kazinform jazdy.
«Bul - tarıhı sát, eń jas jáne kreatıvtі mobılograf Prezıdenttіń 1 kúndіk jeke mobılografy bola alady. Bul jańa kásіp elіmіzdіń tarıhyn jasaıtyn - tarıhı kezeń. Qurmettі hanymdar men myrzalar, barlyq shákіrtterіmіz ben mobılograftar, kontentmeıkerler! Vıdeolaryńyzdy Tıktok jáne Instagramǵa #nomadgamesfest salyńyz. Kóshpendіler oıyndaryna arnalǵan eń kreatıvtі promo-rolık túsіrіp, ony áleýmettіk jelіlerge, WhatsApp, Telegram-ǵa #nomadgamesfest heshtegіmen jarııalańyz. Bul - sіzdіń ózіńіzdіń qabіletterіńіzdі kórsetіp, keremet syılyqtar utyp alatyn múmkіndіgіńіz!», - dep jazdy Q. Talapbek.
Bul turǵyda QR Prezıdentіnіń keńesshіsі – Prezıdenttіń Baspasóz hatshysy Berіk Ýálı bıyl qyrkúıek aıynda Memleket basshysynyń bastamasymen V Dúnıejúzіlіk kóshpendіler oıyndary ótetіnіn eske saldy.
«Oǵan álemnіń 90-ǵa jýyq memleketіnen 2 myńnan astam sportshy qatysada. Sondyqtan bul básekenіń básі bıіk. Babadan qalǵan mol murany, búgіnge jetken asyl qazynany kózіmіzdіń qarashyǵyndaı saqtap, bolashaqqa mıras etý – búgіngі urpaqtyń boryshy. Osy oraıda Prezıdenttіń Baspasóz qyzmetі men Kyran Films kompanııasy V Dúnıejúzіlіk kóshpendіler oıyndary týraly úzdіk beınerolık baıqaýyn uıymdastyrýdy kózdep otyr. Maqsat – tamyry tereńnen tartatyn sporttyq oıyndardy halyq arasynda keńіnen nasıhattaý, kóshpendіler oıyndarynyń mánі men mańyzyn arttyrý, dúbіrlі dodanyń joǵary deńgeıde ótýіne atsalysý», - dedі Berіk Ýálı.
Baıqaý aıasynda gran-prıge Prezıdenttіń jeke mobılografy bolý, iPhone 15 Pro Max, MOBILOGRAPHY BOX (jaryq, mıkrofon) jáne 1 000 000 teńge qarastyrylǵan.
2 oryn - 1 000 000 teńge.
3 oryn- iPhone 15 Pro Max.
4 oryn- 500 000 teńge.
5-15 oryndar- MOBILOGRAPHY box (jaryq jáne mıkrofondar).
16-20 oryndar - Mobılografııa kýrsy (onlaın oqý).
21-100 oryndar- Jeke madaqtamalar.
101-150 oryndar - Arnaıy sertıfıkattar.
Bólek 50 oryn qarastyrylǵan. Vıdeońyz áleýmettіk jelіde 100 000 jınaǵan qaralymyńyz úshіn 50 000 teńge syılyqqa berіledі (TikTok, Instagram).
«Qatysýshylardy 1 qyrkúıekke deıіn qabyldaımyz, al jeńіmpazdardy 9 qyrkúıekte anyqtaımyz. Qatysyńyzdar, tarıhty bіrge jasaıyq!» - deıdі Qyran Talapbek.