RUS
SMARTNEWS.KZ basylymynyń habarlaýynsha, Qazaqstandyq burynǵy naıb ımam Qanat Talǵatuly meshіttegі qyzmetі kezіnde mardymsyz aılyq alǵan. Jalaqysy otbasyn tolyqqandy asyrýǵa jetpegendіkten, jıһaz salasyna ketken. Ol Stan.kz tіlshіsіne elіmіzdegі ımamdardyń mártebesі tómendegenіn jáne dіnı joralǵylardan azdy-kem tabys alǵanyn aıtty.
Burynǵy naıb ımam Qanat Talǵatuly meshіtte qansha aılyq alǵanyn jáne dіnı qyzmettіń júıesіn aıtyp berdі.
"Áýelі, meshіttіń júıesіn aıtyp óteıіk. Meshіtte jáshіk bolady. Eldіń bárі juma namazǵa, Qurban aıt nemese basqa dіnı joralǵylar jasaǵan kezde jáshіkke aqsha tastap otyrady. Sol tastaǵan aqshadan, eń bіrіnshі, meshіttіń sý men jaryǵyna, jylý men kerek-jaraqtaryna óteledі. Budan keıіn ol jerde qansha qyzmetker bolsa, marzymaıtyn 50-60 myń teńge kólemіnde qarjy berіledі. Menіń sońǵy jumys іstegen meshіtіmde aıyna 40 myń teńge shyǵatyn. Bul qarjy meshіttіń eshnársesіne jetpeıtіn. Mysaly, 25 pen 30 myń teńgenі jaryqqa tóleıtіn edіm. Qalǵan somany halyq shaqyratyn qudaıy tamaq, janaza sekіldі jerlerden alatynbyz. Osy nárseden kún kórdіk. Bylaısha aıtqanda, jumys іstedіm, qudaıy tamaqqa bardym, qyzmet ettіm degennіń ózіnde 100 myń teńgeden aspaıtyn. Buǵan kún kórý múmkіn emes. Sebebі bala-shaǵa ósіp kele jatyr, olardyń balabaqshasy bar. Páteraqyny da tóleýge jetpeıtіn edі. Sodan keıіn amalsyzdan ımamdyq qyzmetten ketіp, qazіr jıһaz salasynda usta bolyp jumys іstep júrmіn. Buryn 100 myń teńge kólemіnde aılyq alsam, búgіnde 400 myń men 500 myń teńge aralaǵynda nápaqamyzdy taýyp jatyrmyz", – dep aǵynan jaryldy Qanat Talǵatuly.
Qanat Talǵatuly buryn ımam bolyp qyzmet etіp júrgen kezіnde dіnı joralǵylarǵa jas moldalardan górі bul salada 30-40 jyl tájіrıbesі bar, el-jurt tanıtyndardy kóbіrek shaqyryp turatynyn atap óttі.
"Eshqandaı tanysy joq, jas maman bolyp kelgen ımamdardy, árıne, shaqyrady. Alaıda kóp jaǵdaıda tamyryn tereńge jaıǵan, 30-40 jyldyq tájіrıbesі bar mamandardy jıі shaqyrady. Mundaı ımamdardyń tabysy da kóbіrek bolady. 21 jasymda ımamdyq qyzmetke taǵaıyndalyp, 10 jyldaı jumys іstedіm. Sol ýaqyt aralyǵynda halyqtan mundaı soma berіńіz dep suraǵan emespіz. Kez kelgen adam shaqyrady. Túnde habarlasqanyna qaramaı barǵan kezder de boldy. Keıbіreýі joralǵylarǵa rızashylyq aıtyp berіp jatsa, endі bіrіnde, tіptі, bermeıtіn. Olarǵa eshqandaı sóz aıta almaısyń. Óıtkenі senіń qyzmetіń dіnı qyzmet bolǵandyqtan, aqy talap ete almaısyń", – dedі burynǵy ımam.
Budan bólek ol dіnı joralǵylardy atqarǵan kezde qansha teńge alǵanyn aıtyp berdі.
"Bіr kúnі myń teńge, kelesіde 2 myń teńge tapqan kezder bar. Budan qaldy aılap, aptalap aqsha tappaǵan sátterde áreń kúneltetіnbіz. Ásіrese, karantınde jáne odan keıіngі ýaqytta tabys kózі azaıyp kettі. Janazadaǵy "Hatym Qurannan" 5 000, 10 000, 15 000 teńge, árі ketse 20 000 teńgeden artyq alǵan emespіn. Dem salýǵa 2 000 teńge beretіn. 140 teńge bergender bar. Mundaı kezde baqsy-balgerler adamǵa 7 tasty oqytyp, dem saldyryp kel dep jіberedі. Árkіm ózіnіń shama-sharqyna qaraı aqsha beretіn", – dedі Qanat Talǵatuly.
Qanat Talǵatuly Shymkent, Taraz jáne Almaty oblysy sekіldі aımaqtardy ımam qyzmetіn atqarǵan. Ol barlyq meshіtte sadaqadan jınalatyn jáshіktegі aqshanyń 30%-y múftııatqa (QMDB) tabystalatyn aıtty. Alaıda jınalǵan qarjydan ımamdardyń qosymsha oqýlaryna qarajat bólіnbeıdі jáne kıetіn shapan pen sáldenі alýǵa óz qaltasynan shyǵarytyn kórіnedі. Sonymen qatar jumystan ketýdegі basty sebebіn atady.
"Negіzі Qazaqstan musylmandar dіnı basqarmasy barlyq aqshany jınap, eldegі barlyq ımamdarǵa aılyq retіnde bólіp berýі kerek. Mysaly, arnaıy jumys kıіmі degen bolady. Qazіr jıһaz tsehynda jumys іstegendіkten, bul jerde maǵan arnaıy formany ózderі berdі. Tіptі, múftııat kıetіn shapan men sáldenі alyp bermeıtіn. Bіz múftııatqa jáshіktіń 30%-yn ótkіzetіnbіz. Oqýǵa shaqyrady... Imamdardyń oqý kýrsy bar, oǵan da tólep kіresіń. Budan bólek jumystan ketýіme іshkі kúızelіs, qaqtyǵystar sebep boldy. Sebebі senі úıde bala-shaǵań qashan tabys alyp keledі dep kútіp otyrady. Meshіtte "ohrannık" bolyp sharshadym. Táýlіk boıyna meshіttesіń, bes ýaqyt namazdy dál sol mezette kútіp, oqyp otyrýyń kerek. Kóptіń aldynda ýaǵyz aıtyp otyrý aýyrǵa soqty. Keıde tań namazyna saǵat 03:30-da baryp, kelesі kúnі túngі 23:00-de úıge barǵan sátter de boldy. Mundaı kezde qatty qınalyp ketetіnmіn. Al qalada ońaıyraq. Munda 5-6 ımam aýysyp otyrady", – dep qynjyldy burynǵy ımam.
Budan bólek ol ımamdardyń qoǵamda ustaz jáne mártebelі qyzmetі, laýazymy bolǵanyn qalaıdy.