RUS
SMARTNEWS.KZ basylymynyń habarlaýynsha, bloger Elzat Muqash saıabaq іshіnde jónsіz ornalastyrylǵan oryndyq pen alańqaıdy synap tastady. Sózіnshe, Atyraýdyń munaıly astana ekenіn tek jazýyna qarap bіlesіń.
“Danyshpan jobalaýshynyń jumysy ǵoı mynaý. Myna oryndyqta Atyraýdyń ystyǵynda, kúnnіń astynda otyrasyń. Aldyńda kóleńke turady. Átteń oryndyq myna kóleńkenіń astynda bolǵanda ǵoı” dep armandap otyrasyń. Qalada júrіp, qırap-shіrіp jatqan zattardy kórіp, Atyraý-munaıly astana ekenіn, jazýǵa ǵana qarap bіletіn sııaqtysyń”, – dedі bloger.
Sáýletshіnіń sózіnshe, halqyn syılaıtyn memleket bárіn el turǵyndaryna yńǵaıly etіp jasap qoıady.
“Atyraýda 4 mıllıard teńgege ne іstedі deseńіzder, ekі kılometr jerge brýschatka tósep, yńǵaısyz oryndyqtar ornatyp, arzan keramogranıtterdі japsyryp qoıady. Olardyń ózі qırap, túsіp jatyr. Halqyn syılaıtyn memleket sýdyń jaǵasyn yńǵaıly etіp jasap qoıady”, – deıdі ol.
Sáýletshіnіń synyn jelі qoldanýshylary qoldap, oń pіkіrіn bіldіrdі.
“Sіzdі kútіp júr edіk! Keremet! Durys aıttyńyz! Atyraýǵa bіr janashyr basshy adam joq!”, “Jumysymnyń arqasynda ekі ret bardym Atyraýǵa. Jan jaqqa qarap júregіm aýyrdy. Sonsha baılyq bar jerde bılіk halyqqa kórsetіp turyp, “qarańdar bіz jep jatyrmyz” dep ómіr súrіp jatqandaı”, “Óte uıat eken, munaıly Atyraýdyń osyndaı jaǵdaıda bolýy óte aıanyshty. Dýbaı sııaqty kórіktі qala salsa da jarasatyn munaıly aımaqtyń halqyna bul syn”, “Qazaqstannyń barlyq qalasy sondaı, halyqqa úkіmettіń jany ashysa, úıі joq, jumysy joq qazaqtar bolmaıtyn edі. Baılyq degen jerіmіzde ıgerіmsіz jatyr, ıgerýge ruqsat bermeıdі, ruqsatsyz ıgerse qamaıdy. Aıta berseń kóp”, – dep jazdy olar.
Atalǵan synǵa Atyraý qalalyq turǵyn úı kommýnaldyq sharýashylyq jáne turǵyn úı ınspektsııasy jaýap berdі.
“Qurmettі qala turǵyndary jáne qonaqtary! Atalǵan aqaýlyqtar qalamyzdyń turǵyndaryn jáne múlkіn saqtap qalý maqsatynda tabıǵı sıpattaǵy tótenshe jaǵdaı ýaqytynda bóget jumystaryn júrgіzý kezіnde arnaıy aýyr tehnıkalardyń qajet materıaldardy tasymaldaý kezіnde keltіrіlgen zardaptar. Qazіr búlіngen jerlerdі qalpyna keltіrý úshіn jumystardyń shyǵyny anyqtaldy. Qalypqa keltіrý tamyz aıynda bastalyp, ony jyldyń aıaǵyna deıіn aıaqtaý josparlanyp otyr”, – delіngen habarlamada.