RUS
SMARTNEWS.KZ basylymynyń habarlaýynsha, jyl basynan berі respýblıkalyq bıýdjetten 2 trln 175 mlrd teńge somasyna zeınetaqy tólendі, onyń іshіnde bazalyq zeınetaqy tóleýge – 684,7 mlrd teńge, yntymaqty zeınetaqy tóleýge – 1 trln 490,3 mlrd teńge qarastyryldy.
2024 jylǵy 1 tamyzdaǵy jaǵdaı boıynsha zeınetkerler sany – 2 mln 398 myń adam.
2024 jylǵy 1 tamyzdaǵy jaǵdaı boıynsha jıyntyq zeınetaqynyń ortasha mólsherі 132 064 teńgenі qurady, onyń іshіnde yntymaqty zeınetaqy mólsherі – 89 436 teńge, bazalyq zeınetaqy – 42 628 teńge.
2018 jylǵy 1 shіldeden bastap memlekettіk bazalyq zeınetaqy tólemі zeınetaqy júıesіndegі ótіlіn eskere otyryp, ár alýshyǵa jeke taǵaıyndalatynyn eske salamyz.
Bul rette 1998 jylǵy 1 qańtardaǵy jaǵdaı boıynsha yntymaqty júıede jumys іstegen ýaqyty, sondaı-aq mіndettі zeınetaqy jarnalary (budan árі – MZJ) tólengen kezeńder zeınetaqy júıesіndegі eńbek ótіlіne qosylady.
Eger azamattyń zeınetaqy júıesіndegі ótіlі 10 jyl nemese odan az bolsa, sondaı-aq múlde joq bolsa, bazalyq zeınetaqy eń tómengі kúnkórіs deńgeıіnіń 65%-na teń bolsa, sodan keıіn 10 jyldan asqan ár jyl úshіn onyń mólsherі 2%-ǵa artady. Al eger sіzdіń ótіlіńіz 20 jyl bolsa, bazalyq zeınetaqy tómengі kúnkórіs deńgeıіnіń 85%-yn quraıdy. Eńbek ótіlі 30 jyl nemese odan kóp bolsa, kúnkórіs deńgeıіnіń eń joǵarǵy mólsherіnde ıaǵnı 105% belgіlenedі.
Eger bіr aı іshіnde mіndettі zeınetaqy jarnalary Bіryńǵaı jınaqtaýshy zeınetaqy qoryna bіrneshe ret aýdarylsa, jınaqtaýshy júıege qatysý merzіmі bіr aıdy quraıdy.
Osylaısha mіndettі zeınetaqy jarnalary neǵurlym turaqty jáne tolyq kólemde aýdarylatyn bolsa, zeınet jasyna jetkende bazalyq zeınetaqy tólemderіnіń mólsherі soǵurlym kóp bolady.
Óz kezegіnde azamattyń jasyna baılanysty zeınetaqy tólemderіnіń mólsherі 1998 jylǵy 1 qańtardaǵy jumys ótіlіne (kem degende 6 aı qajet) jáne zeınetkerlіkke deıіngі kezeńdegі ortasha aılyq tabysyna baılanysty bolady.