RUS
SMARTNEWS.KZ basylymynyń habarlaýynsha, Oralda muǵalіm Nadejda Nıkıtınanyń ólіmіne qatysty sot protsesі bastaldy.
Aıyptalýshy - 41 jastaǵy Temіr Sársenov. Ol qylmystyq kodekstіń úsh baby boıynsha kúdіkke іlіngen: adam óltіrý, urlyq jáne zańsyz qarý saqtaý.
Ol №9 orta mekteptіń muǵalіmі marqum Nadejda Nıkıtınamen 2020 jyly synypta kompıýter ornatyp júrgen kezde tanysqan. Keıіn ustaz jumys ornynda nemese úıіndegі tehnıkada aqaý paıda bolǵanda ara-tura Temіr Sársenovtyń kómegіne júgіngen.
Bıyl 24 sáýіr kúnі Nadejda Nıkıtına sondaı ótіnіshpen Sársenovten kómek suraǵan. Aıyptalýshy jumysyn kelesі kúnі aıaqtaýdy aıtqan. 25 sáýіrde Sársenov muǵalіmnіń úıіne kelgende Nıkıtına shákіrtіmen sabaq júrgіzіp jatqan. Shákіrtі ketken soń, áıel aıyptalýshymen sózge kelіspeı qalǵan bolýy múmkіn.
Sársenov marqumdy dıvanǵa jatqyzyp, ústіndegі kıіmіnіń jaǵasymen býyndyrǵan. Keıіn ol marqumnyń moınyna pyshaq suqqan. Nıkıtına mehanıkalyq asfeksııadan kóz jumdy.
Sottalýshy munymen qoımaı, іzіn jasyrý úshіn urlyq jasaǵan. Ol áıeldіń páterіnen altyn buıymdar, sómke, ámııan, telefon jáne bank kartalaryn alyp ketken. Jalpy materıaldyq shyǵyn –1,7 mln teńge.
Sonymen qatar, polıtsııa Sársenovtіń páterіnen saqtaýǵa ruqsaty joq bіrneshe qarý men olarǵa arnalǵan kóp mólsherdegі oq-dárіlerdі tapty.
Sársenov alqabıler sotynan bas tartty. Basty sot otyrysy 27 tamyzǵa belgіlendі.