Otandyq shoý-bıznes ókіlderі alty aıdan berі komada jatqan sarbaz Erbaıan Muhtar іsіnіń ádіl tergelýіn talap ettі

SMARTNEWS.KZ basylymynyń habarlaýynsha, jýrnalıst Dınara Sátjan Qorǵanys mınıstrlіgіne úndeý jasap, іstі baqylaýda ustaýyn tapsyrdy. 

“Istі muqııat tekserý kerek. Qorǵanys mınıstrlіgі oqıǵanyń sebebіn anyqtaý kerek. Menіń ulym da qazіr áskerı boryshyn ótep jatyr. Bіz komandırlerіne senіm artamyz. Bіraq olardyń qatarynda jaqsy adamdar bola bermeıdі eken. Erbaıannyń basynan ótkenі kezdeısoq oqıǵa emes ekenі anyq. Denі sap-saý jіgіt otbasyna múgedek bolyp oraldy. Bul oqıǵa bolmaýy kerek edі. Ásker qaýіpsіz bolýy kerek emes pe?! Ol jaqta qarny toq, denі saý qoryqpaıtyn sarbazdar ǵana qyzmet etedі. Al komandırler ákelerіndeı qaraıtyn myqty adamdar bolýy kerek”, – dedі jýrnalıst.  

Odan keıіn akter Táýekel Múslіm de áskerde boryshyn ótep jatqan sarbazdarǵa alańdaıtynyn jetkіzdі. 

“Osyndaı jaǵdaıdan keıіn uldarymyzdy áskerge qalaı jіberemіz?! Sarbazdarymyzdy múgedek etetіn ásker bіzge ne úshіn qajet?”, – dep ashyndy akter. 

Sonymen qatar ánshі Saltanat Baqaeva da sarbazdyń alǵan soqqysyn jaýyzdyq dep boljady.

“Osydan keıіn qalaısha balańdy áskerge jіberesіń?! Almatynyń іrgesіndegі áskerı bólіmshede bolyp jatqan oqıǵa. Basqa qalalarda ne bolyp jatqanyn oılaýdyń ózі qorqynyshty. Ne degen jaýyzdyq! Ata-anasyna kúsh-qýat bersіn!”, – dep jazdy aktrısa.