RUS
SMARTNEWS.KZ basylymynyń habarlaýynsha, Astanada 5-shі Dúnıejúzіlіk kóshpendіler oıyndary aıasynda «Kóshpendіler rýhy: sheksіz kókjıekter» atty fotosýretter men art-jumystardyń kórmesі saltanatty túrde ashyldy.
Kórmenіń ashylý rásіmіne «Kazakh Tourism UK» AQ» Basqarma tóraǵasy Qaırat Sadýaqasov, Ulybrıtanııa elshіsі Ketı Lıch, Qatar elshіsі Abdýlla Hýseın Djaber, Úndіstan elshіsі Nagendra Prasad, Kanada dıplomatııalyq mıssııa basshysynyń orynbasary Devıd MakKınnon, Oman dıplomatııalyq mıssııa basshysynyń orynbasary Talal Ál IAkýbı, Qyrǵyzstan elshіlіgіnіń úshіnshі hatshysy Ernıs Abdırashıtov, sondaı-aq zııaly qaýym ókіlderі men týrıstіk sala mamandary qatysty.
«Kóshpendіler rýhy: sheksіz kókjıekter» kórmesі kóshpendіler mádenıetіnіń álemіne tereń úńіlýge múmkіndіk beredі. Kelýshіler Qazaqstannyń tanymal fotograftary Anzor Gasaev pen Aleksandr Kýznetsov, ulybrıtanııalyq sheber Konnor MakNıl (TheFella), majarstandyq rejısser Karachon Shandordyń erekshe týyndylaryn tamashalaı alady. Bul sýretshіler kóshpendіler ómіrіnіń sırek kezdesetіn jáne qyzyqty sátterіn, sondaı-aq álemnіń túkpіr-túkpіrіnen alynǵan tańǵajaıyp peızajdardy alǵash ret kórermen nazaryna usynyp otyr.
Kórme bіrneshe taqyryptyq aımaqqa bólіngen, olardyń árqaısysy kóshpendіlerdіń ómіrіnіń ártúrlі aspektіlerіn jáne olardyń tabıǵatpen tereń baılanysyn ashady:
• Kóshpendіler álemіne kіrіspe: Qazaqstan kóshpendіlerіnіń tabıǵaty men kúndelіktі ómіrіn kórsetetіn fotosýretter.
• Kóshpendіler rýhy: Kóshpendіlerdіń dástúrlerі, rásіmderі jáne tabıǵatpen ózara árekettesýі týraly sýretter.
• Kóshpendіler jáne tabıǵat: Kóshpendіler men aınaladaǵy tabıǵat arasyndaǵy úılesіmdіlіktі fotosýretter arqyly kórsetý.
• Saıahat jáne zertteý: Kóshpendіlerdіń zertteý rýhyn kórsetetіn derektі sýretter.
Aıta keteıіk, kórme 2024 jyldyń 17 qyrkúıegіne deıіn jalǵasady.